Popular Bible Verses from Чапарзабазул ишал 4

Паҳн кунед

Гьесдалъун гурони хвасарлъи гьечӀо. Гьалъаб зобалда гъоркь гӀадамазе кьурал цӀаразда гьоркьоб цоги батӀияб цӀар гьечӀо, жиндалъун нилъ хвасарлъулеб.

Гьеб гьари-дугӀаялда муридал ругеб мехалъ гьел данделъун рукӀараб бакӀ гьаргьадана, Илагьияб РухӀалъ цӀуна гьел ва хӀинкъичӀого Аллагьасул калам халкъалда лъазабизе лъугьана.

Я, БетӀергьан! Гьале гьез нижее хӀинкъаби кьолел руго. ХӀинкъичӀого дур калам халкъалда лъазабизе къуват кье дурго лагъзадерие.

Гьев ГӀиса вуго къадалъ лъезецин ярагьунарилан нужеца – къадахъабаз – нахъе рехараб, амма цололъ лъезе ккараб гамачӀ.

Пётрилги Иоаннилги хӀинкъунгутӀи бихьун, гьел гӀалимзаби гуреллъи, гӀадатиял гӀадамал рукӀин бичӀчӀун хӀикмалъун хутӀана гьел. Гьебмехалъ ракӀалде щвана Пётрги Иоаннги ГӀисада цадахъ рукӀараллъи.

Иман лъуразул гьеб кӀудияб агьлуялъул рухӀалги ракӀалги цолъун рукӀана. Жиндирго букӀараб боцӀи-бечелъиялда лъицаниги абулароан гьаб дир бугилан, кинабго гӀахьалаб букӀана гьезул.