Popular Bible Verses from Чапарзабазул ишал 17

Паҳн кунед

Аллагьас гӀадамазе рес кьуна гьев валагьизе, гьев вукӀин гьезул ракӀалъ бицине ва гьезда гьев Аллагь ватизеги. Нилъер щивав чиясдаса рикӀкӀад гьечӀелъулха гьев Аллагь.

Аллагьас тӀоцеве цохӀо чиясдасан лъугьинаруна дуниялалда ругел киналго халкъал. Щибаб халкъалъе болжалги ва чӀезе бакӀалъе гӀорхъалабиги рихьизаруна.

Гьев вуго гьаб дуниялги дуниялалда бугебщинабги бижарав Аллагь. Зоб-ракьалъул БетӀергьан вугелъул, инсанасул квераз рахъун чӀезарурал кӀалгӀабазда жанив чӀоларо гьев.

Жинца тӀаса вищарав Чиясдалъун тӀолго гӀаламалъе ритӀухъаб суд гьабулеб къо чӀезабун бугила. Гьелда нилъер ракӀчӀезе гӀолойила жинца гьев хваралъуса вахъинавурав.

Гьедин Аллагьасул лъималлъун нилъ кколеб мехалъ, нилъеца бегьилищ меседалдасан, гӀарцудасан, яги ганчӀидасан лъугьинабураб жо илагьияб бугилан абизе, гьеб кинабго бугелъул устарасул квералъ гьабураб ва гьесул бетӀералъ ургъараб жо.