Popular Bible Verses from 2 Пачаби 18

Паҳн кунед

Пача тӀуркӀана, дунял чӀегӀерлъун анин ккана. Шагьаралъул кавабазда тӀад бугеб рокъове вилълъана гьев, гӀек-гӀекиялда гӀодулаго. «Вай дир вас Авессалом! Дир вас, дир вас! Авессалом! Дунго хвезе вукӀаравани дур бакӀалда! Вай дир вас Авессалом, дир вас!» – ин инагьдилаго унев вукӀана пача.

Жиндирго гӀорцӀеналда рекӀун унев вукӀарав Авессалом тохлъукьего Давудил чагӀазда данде ккана. Гьесул гьеб гӀорцӀен цо кӀудияб гӀаркьахараб миккигъотӀода гъоркьан добехун бекерун унаго, Авессаломил бетӀер гьеб гъотӀол гӀаркьалабазда хурхун ана. Гьев живго гьенив зобалаздаги ракьалдаги гьоркьов далун хутӀана, гӀорцӀенин абуни жиндирго нухда бекерун ана. Гьеб бихьидал, цо чияс Иоавида бицана Авессалом вугин миккигъотӀода далун хутӀун.