Popular Bible Verses from 4 Пачаби 2

Паҳн кунед

Доб рахъалде щваралго Иляс аварагас ЭлишагӀида абуна: «Бице, дун дудаса нахъе вачун иналда цебе дур мурад тӀубазабизе, щиб дица дуе гьабун лъикӀ?» «Дулъ бугеб авараглъиялъул къуват кӀиго нухалъ цӀикӀкӀун щваги дие», – ян жаваб кьуна ЭлишагӀица.

Гьедин хаба-чӀабаралда гьел унел рукӀаго, тохлъукьего цӀадул чуялги рараб, цӀадул чолгьоко баккана ва гьелги ратӀа гьарун, Иляс авараг зобалазде хъамун ана.

«ЗахӀматаб жо гьарулеб буго дуца, – ян абуна Илясица. – Дун дудаса нахъе вачун унеб куц дуда бихьани, дуца абухъе букӀина дуе, бихьичӀони – букӀинаро».

Цинги гьес босун Иляс аварагасул гӀаба лъадада кьабуна: «Кив вугев БЕТӀЕРГЬАН – Илясил Аллагь?» – инги абун. Гьес гьеб лъадада кьабидал, лъим рахъ-рахъалде бикьун ана ва гьев лъарал доб рахъалде вилълъана.

ЭлишагӀ авараг гьеб киналъухъгоги валагьун ахӀдана: «Вай дир эмен! Вай дир эмен! ГӀизраил цӀунараб лебалаб хъергъу! Мун ана гьанже!» Иляс авараг цевеса тӀерхьидал, гьес ракӀ бакъван, тӀад букӀараб ретӀел бихъана.

Иляс аварагас гӀаба тӀаса бахъана, гуризеги гьабун гьеб лъадада кьабуна. Цинги лъим рахъ-рахъалде бикьун ана ва гьел бакъвараб тӀиндасан доб рахъалде рилълъана.

БЕТӀЕРГЬАНАС буран бахъинабун, Иляс авараг зобалазде хъамизе хӀукму гьабуна. Илясги ЭлишагӀги Гилгалалдаса къватӀире рачӀунел рукӀана гьеб мехалъ.