Popular Bible Verses from 3 Пачаби 18

Паҳн кунед

Къабул гьабе БЕТӀЕРГЬАН, къабул гьабе дир дугӀа, гьаб халкъалда Мун БЕТӀЕРГЬАН Аллагь вукӀин ва Дуца цӀидасан гьезул ракӀал Дудехунго руссинарулел рукӀин лъан букӀине».

Къурбаналъе мех щварабго Иляс аскӀовегӀан къана ва гьес дугӀа гьабуна: «Ибрагьимил, ИсхӀакъил ва ГӀизраилил БЕТӀЕРГЬАН Аллагь, биччанте жакъа халкъалда лъан букӀине Мун вугевлъи ГӀизраилалъул Аллагь ва дунги Дур лагъ вукӀин, гьаб кинабгоги дица Дур амруялда рекъон гьабулеб букӀин!

Иляс тӀолго халкъалда цеве вахъун кӀалъана: «Кире щвезегӀан нужеца цого заманалда кӀиго бакӀида гӀодор чӀезе хӀаракат бахъизе бугеб? Нужер Аллагьлъун БЕТӀЕРГЬАН ватани – Гьесда хадур рилълъа, БагӀал ватани – гьесда хадур а». Халкъалъ цо кӀал кӀалъачӀо.

Гьебмехалда БЕТӀЕРГЬАНАСДАСА цӀа рещтӀана, ва цӀулгун, гамачӀгун, ракьгун ва рахъниб букӀараб лъимгун цадахъ тӀубан бухӀулеб къурбан гьеб цӀадуца къулчӀана.

Гьеб бихьарабго тӀолабго халкъалъ кӀалагъоркье речӀчӀун сужда гьабуна ва гьел ахӀдана: «БЕТӀЕРГЬАН вуго Аллагь! БЕТӀЕРГЬАН вуго Аллагь, БагӀал гуро!»

Анкьабилеб нухалъ лагъас абуна: «Ралъдахъа цо гьитӀинаб, хъатидаса кӀудияб гьечӀеб накӀкӀ бачӀунеб буго», – ян. Цинги Илясица абуна: «Инеги ун Ахавида абе: „Чолгьаказда хехго чуял рай, цӀадги бан мунго гьенив хутӀичӀого вукӀине“, – ян».

Илясида тӀаде БЕТӀЕРГЬАНАСУЛ къуват рещтӀана ва рачликь къазабун гӀабагун Ахавида цеве-цеве векерана гьев Изреелалде щвезегӀан.

Илясица Ахавида абуна: «Вахъа, квана-гьекъезе а, чвахун балеб цӀадул сас рагӀулеб бугин».

«Вахъа, ралъдал рахъалдехун валагьизе а», – ян абуна гьес жиндирго лагъасда. Гьев валагьизе ана ва щибго гьечӀин абуна. Анкьго нухалъ абуна Илясица: «Нахъеги а», – ян.

Цинги Илясица халкъалда абуна: «Гьанире дида аскӀоре рачӀа», – ян. Гьел аскӀоре рачӀана ва гьес биххун букӀараб БЕТӀЕРГЬАНАСУЛ къурбаналъе бакӀ цӀи гьабун къачӀана.

Цинги нужеца нужерго аллагьасул цӀар ахӀе, дица БЕТӀЕРГЬАНАСУЛ цӀар ахӀила. ЦӀадудалъун жаваб кьурав Аллагь вукӀине вуго хӀакъикъияв Аллагь». ЛъикӀаб жо бицунеб буго дуцаян абун кӀалъана халкъ.

Илясица анцӀила кӀиго гамачӀ босана, дуда цӀар ГӀизраил букӀине бугилан БЕТӀЕРГЬАН жинда кӀалъарав Якъубидаса лъугьараб анцӀила кӀиго къавмалъул къадаралда рекъон.

Къадемех щварабго Иляс гьезда тӀад велъанхъизе жувана. «ЛъикӀ гӀергӀеде! – ян абулеб букӀана гьес. – Гьев аллагьлъидал! Гьев цо сундулниги пикруялда ватила, ялъуни сапаралда ватила. Щиб лъалеб, кьижун ккун ватизеги бегьула ва гьев ворчӀизавизе ккела».

Гьел ганчӀалги лъун гьес БЕТӀЕРГЬАНАСЕ къурбаналъе бакӀ бана ва гьелда сверун кӀиго сат ролъул жанибе унеб рахъ бухъана.