Popular Bible Verses from Мк 8

Паҳн кунед

Вет кӱ ӹшке йӓнгжӹм ытарынежӹ, тӹдӹ ямда, а кӱ йӓнгжӹм Мӹнь верцем дӓ Пуры Увер верц ямда, тӹдӹ йӓнгжӹм ытара.

Сӓндӓлӹк хӓлӓ ӹшкӹлӓнжӹ сӹнген нӓлеш дӓ йӓнгжӹм локтылеш гӹнь, эдемлӓн махань пайда?

Вара Иисус халыкым дӓ тыменьшӹвлӓжӹм Ӹшке докыжы ӱжӹн дӓ келесен: «Кӱ Мӹнь паштекем кенежӹ, ӹшке гӹцшӹ карангжы, ӹшке крестӹжӹм нӓлжӹ дӓ Мӹнь паштекем ашкедшӹ.

Ӹшке йӓнгжӹм сылен нӓлӓш эдем мам пуа? Шӓхӓр дӓ сулыкан ти шачыш лошты кӱ Мӹнь гӹцем дӓ Мӹньӹн шамакем гӹц важылеш, Эдем Эргӓт Ӓтяжӹн лӹмлештӓрӓлтмӓшӹштӹ святой Ангелвлӓ сага иквӓреш толмыжы годым тӹдӹ гӹц важылеш».

Тӹдӹ нӹнӹ гӹц ядын: «А тӓжӹ Мӹньӹм кӱэш шотледӓ?» Петр Тӹдӹлӓн келесен: «Тӹнь Христос ылат».