Popular Bible Verses from Hechos 5

Паҳн кунед

Ja̧'hua̧nö̧ ja̧'a̧ Pedrocu, korotö Jesús hue'ähuotöcu pä'inätödo: —Ttö̧ja̧ huettömä̧cö̧, Dios hueötä jȩpä̧tö̧jä̧ ujutumä.

Mo̧ro̧ji̧nö̧ a̧'u̧cuä̧ Diosrö ucuocuäcuähuodettö'inä, ttö̧ja̧ ttojusodettö'inä cättädi'ö juiyönä huo̧juȩtö̧ ji'ähuinätödo Jesucristo adihuä i̧huȩnȩ.

Ja̧'hua̧ ja̧'a̧ Pedro pä'inödo ja̧u̧ru̧: —Ananías, ¿dä̧bö̧ cuä̧ju̧cuä̧jä̧ttö̧, ähuettä ucuru cua̧'cua̧nä̧ hueömä? Cui̧rȩjä̧ micuättö ju'to 'quȩ'ȩpö̧ ku̧nu̧ yapareu jȩpä̧ji̧jä̧ Espíritu Santorö. Cuiyäcua'a ä'coji, ¿ucu cui̧rȩjä̧ tä̧ji̧? Iyö icu, cuȩmä̧ji̧mä̧ ¿ucutä cuhuäre pärätä tä̧ji̧? ¿Dä̧bö̧ ja̧'hua̧nö̧ yapareu cuamöcuädäjä? Pi̧jä̧ ttö̧ja̧rö̧tä̧mä̧ yapareu jȩpo̧cö̧ päjijä. Diosrötä yapareu jȩpä̧ji̧jä̧, —pä'inödo Pedro. Ananías ja̧'hua̧nö̧ ä̧ju̧cu̧, 'corupä'i'ö rȩjȩ ma̧'i̧nö̧do. O'ca toi'önä Ananías 'corupäi'äja'a jittähua'a ä̧ju̧cu̧ ye'inätödo.

Ja̧'hua̧nö̧ ja̧'a̧ pitörö ja̧'a̧tä̧ topätucui. Huäinä jȩpä̧tö̧. Jahuätö jȩttö̧mä̧ pi̧jä̧ ttö̧ja̧ huettö jȩttö̧ttö̧mä̧ hueyecuäcua'a. Ja̧'hua̧nö̧ ja̧'a̧nä̧ Dios hueö jȩttö̧ttö̧mä̧, ucutu be'epäjipö icuocotöjä. Adiu topätucui Diosrö curohuähuätucua pä'ömä, —pä'inödo Gamaliel.