Popular Bible Verses from Amatayo 1

Паҳн кунед

Na jonojwe apakuchijogola mwana analome, mpakunkema lihina lyabhe Ayesu, maana gakwe jonojwe nga jwapakwabhohanga bhandu bhabhe mu mabohu gabhenji.”

“Mwaali jwangaamanya analome apakola chitumbo na apakubheleka mwana mwanalome, na bhenebho bhandu bhapakwaakema liina Aemanueli” Maana gakwe, “Annoongo pamo na tweenga”

Paakibha tangu atenda kuganikia ngani hejo, antumichi jwa kunani kwa Hangwana akaabhokela mu agamii, na kwaalobholela, “Ayusufu, mwana jwa Adaudi, nkotokujogopa kwaapetula Amalia abhee hanu jwinu, maana gakwe atekola chitumbo kwa uwecho ga Mboomo Ja Annoongo.

Bahi, kubhelekwa kwa Ayesu Kilisto kukabhehe henela, Amalia anyongo bhabhe Ayesu akibha alombwite na Ayusufu. Nambo akibha tangu akakongana na kutama pamo handa analome na haikege, Amalia akabhonekana abhi na chitumbo kwa uwecho gwa Mboomo ja Annoongo. Kwa kubhehe Ayusufu nga analome jwaakibha aalombite Amalia jwaakibha mundu jwa majendelo gammbone, jwangapala kwaalekela honi palundwaje, henela akapala kwaaleka kwa kuchiiya.