Popular Bible Verses from МысырикӀыжь 2

Паҳн кунед

Ахэм ятхьаусыхэ-гырз макъэ Тхьэм къызэхихи, Ибрахьимэ, Исхьакъ, Якъубэ Ӏуагъэу адишӀыгъагъэр ыгу къэкӀыжьыгъ. Тхьэр джуртхэм къяплъи, ахэр къинэу зыхэтхэр къызэхишӀыкӀыгъ.

Бэ тешӀагъэу Мысырым ипачъыхьэ лӀагъэ. Джуртхэр Ӏоф хьылъэу ашӀэрэм зыкӀэмыӀажь ехъулӀагъэхэу тхьаусыхэ-гырзыным зэрэхэтхэр Тхьэм лъыӀэсыгъ.

Сабыим хахъуи, зыкъызеӀэтым, ным ар фирхьауным ыпхъу фищэжьыгъ. Адрэм ар ыкъо папкӀэу иӀагъ. ЦӀэу фиусыгъэр Мос, «Сыда пӀомэ сэ ар псым къыхэсхыжьыгъ», – ыӀощтыгъэ ащ.

Фирхьауным ыпхъу бзылъфыгъэм риӀуагъ: «Сабыир шти, сфэпӀу; сэ ащ ыпкӀэ къыостыщт». Бзылъфыгъэм сабыир ышти, ар фипӀугъ.

А уахътэм тефэу фирхьауным ыпхъу зигъэпскӀынэу псыхъом къэкӀуагъ. Ащ иунэӀут пшъашъэмэ псыхъо нэпкъым тетхэу къакӀухьэщтыгъэ. Фирхьауным ыпхъу уц лъагэм хэт мэтэжъыер ылъэгъугъэти, унэӀут пшъашъэмэ ащыщ горэ ар къыхьынэу ыгъэкӀуагъ.

Мафэ горэм Мосэ, кӀэлэ чъэпхъыгъэ хъугъэу, илъэпкъэгъухэм адэжь зэкӀом, яӀофшӀэнкӀэ ахэр къинышхо зэрэхэтхэр ылъэгъугъ. Ащ дэжьым Мосэ илъэпкъэгъу джуртым мысыр цӀыф горэ еоу рихьылӀагъ. Зиплъыхь-зыкъиплъыхьажьи, зи щымытэу зелъэгъум, мысыр цӀыфыр ыукӀи, пшахъом чӀиухъумэжьыгъ.