Popular Bible Verses from Bɔ̀werà 20

Паҳн кунед

Ɛ́ hɔ́ bòo míkùi hũn, ɛ́ ń zɛ̃́niɛ ɛ́ lɛ́ miɛ nɛ mi sãawi ɛ̀ mì wóo tɛ́ kɛ̀amu, ɛ̀ dàá wóo sĩiní ɓɛ́ nìnbirìe lɛ cũ̀kṹ mí; ɛ́ mí wóo liení-ɛ Ɲunsɔ Yiezu kùrú biehĩ́ lɛ á hàarí bie ǹ ɛ́ nɛ làa: “À nìnbírɔ lɛ wóò hɛ̃ hɔ bòo àá ɓɛ́ nìnbirìe ɛ́ ɲún ɛ́ tĩ pɔ alɛ ɛ́ wóò fé fénlɔ́.”»

Kɛ́ ńpe niǹ kùrú mɛkɛ̃nì bòo ɛ́ yí hie mi ǹ wɛ̀. Hɔ̀ lɛ bòo ɛ́ hie mi ǹ ɛ́ iè hɔ̀ lɛ ɛ̀ ǹpe wo bè niǹ wṹn ɛ̀ vɛ víení, ɛ̀ ǹ tɛ́ á Ɲunsɔ Yiezu tɔnlɔ́ lɛ á dɔ́ niǹ bàanì hũn ɛ̀ tíiní ɲunù, hɔ̀pe tɔnlɔ́ sɔ iè hɔ̀ lɛ ɛ̀ ǹ buie le Bentĩnu nɛ Dɔfĩn ɛ́ mii wé mí hiì àá kie.

Ɛ́ mí pɛ mite bòo ɛ̀ mì ɓɛ́ɓɛ́ ɓɛ́ nìnbirìe lɛ ɛ́ lé Mɛkɛ̃n-Sãanu ɛ́ dɔ́ mí núnú hũn nɛ mi húi bòo. Mì ɓɛ́ɓɛ́ ɓɛ́ ńdɛsĩrìe lɛ ɛ́ Dɔfĩn ɛ́ yɛ̀ ɲún àá mí kùrú Zuú cãani.

Ɛ́ kɛ̀a sáalɛ, ɛ́ ń wo dɔ́ miɛ Dɔfĩn àá mí hiì bienù núnú hũn. Hɔ̀ dàa pànkɛ́ lɛ ɛ́ lɛ́ ɛ́ mí ɛ́ vɛ vanlɔ́ àá híɛhɔ́ hɔ̀ ńdɛsĩ̀nlɔ́ hũn, ɛ̀ Hɔ̀ ɛ́ lɛ́ ɛ́ mí ɛ́ yí hɔ́ bòo lɛ ɛ́ Hɔ́ sɛ́sɛ́a ɛ́ mii lɛ́ ɓɛ́ nìnbirìe lɛ bòo sɛ̃̀ hɔ̀ ǹ ɓɛ́kùi.