Popular Bible Verses from मरकुस 9

Паҳн кунед

यीशु उकर से कहलक, “अगर तोंय करेक पारिसला, इ का गोइठ हेके? तोके शंका नी होवेक चाही कि मोंय एइसन करेक पारोना अगर केऊ आदमी मोर उपरे बिसवास करेला तो उकर लगिन सोउब कुछ होवेक पारी।”

छोंड़ा केर आबा तुरते गिड़गिड़ाय के कहलक, “हे प्रभु! मोंय बिसवास करोना, मोके आउर ढेइर बगरा बिसवास करेक ले मोर मदइत कर।”

पाछे जब यीशु अपन चेलामन केर संगे घर में एकले रहे, तब चेलामन उकर से पूछलैं, “हमरे उ भूत के काले निकलाएक नी पारली?” यीशु उमन के जबाब देलक, “इ लेखे केर भूत सिरिफ प्रार्थना से हें आदमीमन में से बाहरे निकलेला।”

नोन बेस अहे, मगर नोन केर नोनछर चाइल जाई, तो उके दोबारा नोनछर नी बनाएक पराई। तोहरेमन अपन में नोन केर गुण के बनाय के रखा आउर एक दोसर केर संगे मेल-जोल से रहा।”

“जे केऊ मोर नाँव से एइसन छउवामन में से केऊ एगो केर स्वागत करेला आउर उकर मदइत करेला, उ मोर स्वागत करेला आउर जे मोर स्वागत करेला, उ सच में परमेश्‍वर केर स्वागत करेला, जे मोके भेइज हे।”

जे केऊ एक गिलास पानी तोहरेमन के इ लगिन पियाई कि तोहरेमन मसीह केर चेलामन हेका, तो मोंय तोहरेमन से सच कहाथों कि परमेश्‍वर उ आदमी केर जरूर भला करी।”

यीशु एहो कहलक, “अगर केऊ छउवा जइसन आदमी के जे मोर उपरे बिसवास करेला आउर केऊ दोसर आदमी उके इ बिसवास करेक से भटकायला, उकर लगिन भला होवी कि उकर घेंचा में एगो बड़का पखना केर जाँता बाँधल जाओक आउर उके डुबेक लगिन समुदर में फेइक देवल जाओक।

आउर एहे लेखे अगर तोर आँइख तोके पाप करुवायला तो उके निकलाय दे। काना होई के हों परमेश्‍वर केर राइज में जाएक तोर लगिन ठीक अहे, मगर दुयो आँइख केर रहते नरक में जाएक ठीक नखे।