Popular Bible Verses from YUHANI 19

Паҳн кунед

Ɓaanda Insa anwa siki ile, arongoa: «Zitsimidziha piya.» Amwesa anyamisa ishitswa, roho yahe imulawia.

Ɓaanda ya v̄ale, Insa iv̄o akojua amba piya trongo zitsimidziha, arongoa pare uMuangishio Mutwaharifu utsimidzihe: «Nisuona nyora.»

Wakati Insa amuona mayahe, na kariɓu na waye swihaɓa lilio amba akoliv̄endza ha kusudi, amuambia mayahe: «Mama, tsuwo mwana waho.» Amwesa aambia liswihaɓa: «Tsuwo mayaho.» Ɓas, rangu v̄ale swihaɓa lile limurenge ɗagoni hahe.

Wamowaswili ha Insa ata waona amba madza afu, kawamuvundza yimindru. Ɓadi moja mengoni mwa madjeshi yale amuforoa imbavu ha fumo, na sa ile v̄ulawa damu na maji.

Trongo zini zihidjiri ile uMuangishio Mutwaharifu unu utsimidzihe: «Ata muɓa moja hahe kautsovundzwa.» Na v̄ahanu v̄wangina raha uMuangishio usurongoa: «Watsov̄eleha yamatso ha ule wamuforoa.»

Insa akov̄inga waye monyewe muri wa pawa wahe, andre v̄ahanu v̄wakohiriwa Kaka la Shitswa (Shiheɓraniya, Golgota.)

Madjeshi wav̄ahasa kara la miɓa, wamutrialo shitswani, wamuv̄ishidza nguo yakana range ya muzambarau