Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu, na uɓole wazidi jeje wa ushindzi wahe ha tanafu yatru, wasi riaminio, ushindzi walingana na uɓole wa inguvu yahe airumia ha Kristi wakati amuregeza hayi ulawa ha uwafu, tsena amuketsisa humeni hahe mbinguni, mbali uju na kula utawalizi, kula yezi, kula ushindzi, kula uhu, na kula dzina lihirishihao, tsi tu amba hari mwa ulemengu unu, ɓadi tsena ata uwo ujao.