Popular Bible Verses from Matius 28

Паҳн кунед

Sabap diri do pampanau kouno do tumikid do tulun, om tudukan mujuno iolo do sumiliu do tulunKu, om botisan nogi iolo do i ngaran diAmo, om i ngaranKu i TanakJo, om i ngaran di Tatod Tolidang do roiton. Om tudukan mujuno maja kasangkat diri nisuuKu dikovu, om ondomo mujuno do soumur maja-vaja Okui dikovu gosob do koovion diti vonuvo,” kadii di Yisus.

Nga insomokno dii i Yisus dagai, om pitangar do ka, “Suruga om vonuvo nga nipokuasano Dogo.

Om pitangarno dii i moloikat diri tongotongondu do, “Ada kou rumosi do oilaankuno do mogium kou bo dino di Yisus daa iri pinasalib. Nga auno sino Isido siti, novijauno kavagu do irad diri nokomoiJo mantad. Ongoi koupo siti, om antangai ilo pinoilian Disido.

Nga kadi Yisus, “Ada kovi bo rumosi. Ongoio mujuno abarai i kosuladanKu do, ‘Ongoi kouno silo Golilia om koontong kou di Tuhan silo,’ kanto nono diolo,” kadi Yisus.

Om untunno dii i tongokotua do imam om i moloingon do Joudi om poiupakatno dii iolo do onuan do siin oguu i tongosoujor do isuap diolo. Om upakato nogi dii diolo i tongosoujor do kadiolo, “Patangaron muju nopo nga, ‘Inongoi takauo kosodop di tongotulunJo iri kojuvan di Yisus ontok di nokopingoodop ikoi,’ kanto nono do tulun. Om ausoi kosusaan muju dino do insan korongoupo i Gobonor diti, nga ikoi kondiri tumango mitangar disido,” kadiolo. Om onuono dii di soujor i siin om ombo nopo iri nituduk diolo irino vinaja di soujor, om sampaino dii do maino do popiinsusujon di tulun Joudi i tinangaran diri.