Popular Bible Verses from Matiyu 23

Паҳн кунед

Mɔɔ min buɲanin ài bɛ lɔ, wo tii le ka kan ka kɛ àiya bɔiden ne.

Mɔɔ min v'a fannɔbuɲala, wo tii ma yi jiile. Ni do mɔɔ mɔɔ v'a fanmajiila, wo tii kɔlɔ yi tale.»

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài àiya nanai ni àiya gbelelɔfen mɛsɛnmɛsɛnnin tɔ bɛ jaa bɔla, ka Ala ya seliyako kulugbɛlɛnnu to je: telenmandeya ni henandeya ani kankelentiiya. Ài tɛɛ ka kan ka seliya wolu mafa kunfɔlɔ le, k'a tɔ la wolu kɔkan.

«Gbalo yi ài yɛ, seliya kalanmɔɔlu ni Falisilu! Àilu filangafolu! Ài yi jiyafɛ ni tasa kɔkala makola kobɛn. Kɛɛ wolu kɔnɔlɔ fanin fen minu la, ài na wolu sɔlɔnna tɔɲɔli ni natabaya le lɔ.

«Ɛɛ Jelusalɛmu! Jelusalɛmu! Ile min ya mɔɔlu yi kelalu faala ka Ala ya kelalasebalu bon kawa la. A lɔɔ tɛɛ ǹ na siɲa siyama le k'ài ladɛn iwo sisɛ y'a dennu ladɛnna teme, k'ai doon a kawa kɔlɔ, kɛɛ ài do ma diɲa a ma.

Wo boloɲa kelen ma, ài kɛnin mɔɔlu ɲana iwo telenmandelu, k'a talan ài kɔnɔlɔ fanin filangafoya ni koyon na.