Оятҳои маъмули Инҷил аз Maki 13

Паҳн кунед

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.

Laso ngalaxa'i laixe mo ngaxolu ngau­titisi, xo ngalavusou voxo e Mosinge musosovosou uasi.

Mo no voxo loxo itete­lisinge so ngalai no lakoti la mamu so nga'ume. Mo mamu so ngala­laxinu opongengi lumamo so lexe ngalemolu ma'ia no lakoti. Xo ngingi uasi, no voxo loxo ngatulu la Ulenu Laixe molu ulosinge vaikala so ngalemolu.

Mo ili'i la loxotolo ilou lialia tasiauxu ia vaikalaxelisi umomomo so tasiauxu uasi.”

Mo musolonu aloxo 'ola, “Ia evile ulavusou voxo o aso iou so mimi anene uxali uasi. Ta'angelo talaixe no tualasou Mosinge ilavu uasi kalumo. Mo eni a Olu kalumo alavusou uasi. A Mosinge anu Mamingesi ulavusou.

Mo ili'i loxo ngalomusou a'alo so oto tatila mo sivo lexe oto tatila so uxali no tuatuala la ngakuluke no anu uasi. Mimi anene uxali, ia kaluxusou voxo a uao.

Laso ngingi ngaloxo laixe axone. Xo eni loxo tatananu tani, mo ngalavusou voxo so alivu ane'e uasi. Masi ane'e no aso ulu'elai o no olovoxo lixinu o no anu koko'a u'ava o no kakau. Laso ngalaxa'i laixe. Xo masi axali la ngingi ngaaisio. Vaikala ane a'italonu noxinge 'o ne noxi'a latala. Ngalaxa'i mo ngautiti laixe.”

Xe tamitema no anu laili se'i i'alivulane'i laili se'i. Xe takingi so xale lia se'i ilai i'alivu­lane'i takingi so xale lia se'i. Mo no xalexale lia se'i la uni'uni tatila mo anene voxo so vitolo kalumo. Mimi anene uxali ia anene soko'u no anu tu'umaxusi. Anu loxo sema ilie ukitikitinesi so ivo'onu, u'oki uao.”

Ia loxo vaikalasilo laixe uxali noxi'a tamitema no anu lailaili no tuatuala mukaluasi uao, la anu voxo kaluxusou 'o umomomo so uxali uasi.

Tamitema tavu'a­lo ine'ene'e mo ivikala lexe, 'Eni amitema melo noxou Mosinge a.' La ilemolu ualasilo so ikalavoine'i tamitema tapiena.

Mo Iesua musolonu aloxo 'ola, “Ia ngingi ngalaxa'i laixe. Xo ane'i itulusinge so ikotingenge mo ipua­pua­singe no anu tatasou lavu­loto. Mo tava'u xo ngingi ngaa'aloxo laso itulusinge no laxune'i taxa­mani xe takingi. Itulu­singe laso ngingi ngaa'aloxo noxi'a.

Xo Takalai­siti kalavoi se'i mo tamitema so pela'a kalavoi se'i itulu no voxo anene. Itulu mo i'oxonu sosovo so xavi so itovonu so ilapune'i tamitema ane Mosinge mososo­vosi'a lexe tanoxou.

Muvikala axone mukalu la musolonu aloxo 'ola, “Tu'utu'u­maxu anene uxali ukalui la aso uxali isivoxosi mo so'io ukala uasi. Mo loxotolo ukunikuni la tataoto ulapalapau ulu'e.