Popular Bible Verses from मत्ती 27

Паҳн кунед

तीन बजे ओहोँर येशू असिक कहिके जोरसे चिल्लैलाँ, “इलोई, इलोई, लामा सबखथनी?” अर्थात, “हे मोरिक परमेश्वर, हे मोरिक परमेश्वर, अप्नि महिन्हे काकरे छोरदेली?”

अस्तेहेँक मन्दिरके पर्दा टिप्पासे लेके जरसम दुई हिस्सा होके फाटगिलस, और जमिन थरथराई लागल और चट्टान फुट्गिलाँ। चिहान उघरगिलाँ, और परमेश्वरके सुतगिलक बहुत्ते पवित्र मनैनके मुअल शरीर जित्ती होके उठ्गिलिन।

तब् फेनदोस्रे येशू जोरसे चिल्लैलाँ, और अपन आत्मा छोरदेलाँ।

जब कप्तान और ओकर संग येशूहे चौकीदारी करुइयन भुँइचाल और वहाँ हुइती रहल घटना देख्लाँ। तब् ओइने गजब डरागिलाँ और कलाँ, “जात्तिके, यी परमेश्वरके छावा रहिँत।”

आब दुपहरसे लेके तीन बजेसम सारा देशमे अंधार होगिल।

राजपाल पिलातस ओइन्हे कहल, “तब् ख्रीष्ट कहलाजैना येशूहे मै का करुँ ते?” ओइने सक्कु जाने जवाफ देलाँ, “ऊ क्रूसमे टँगाजाए।” ऊ कहल, “काकरे? ऊ का अपराध कर्ले बा?” पर ओइने आउर धेउर असिक कती चिल्लैलाँ, “उहिहे क्रूसमे मुवाऊ।”