Оятҳои маъмули Инҷил аз Romanos 10

Паҳн кунед

Ga aagidiña aatïmï sai gï agai xi odami buaboitudaitai po tïiyagi sai Suxi Kristo bïïxi adaama ïr Tïanïdami. Dai sai gï aagai xi kïïgakïrï buaboitudagi ïgai ix Diuxi duakaturhi go Suxi. Xorai pobuadagi gia kïïgakïrï bubuaki agai.

Diuxi kïïgakïrï gïr nïidi buaboitudakai aatïmï tudu, mos maaxiko aagakai ix buaboitudai aatïmï.

Mosïkaxi kaïkatai go bhai ïrhiaragai aatagi bhïjïi odami tïgibudagai xi buaboitudagi. Kaxkïdï gï agai ïgai xi kaïkagi go aatagi aagaitai Suxi Kristo.

Diuxi ñokidï ikaiti sai, Toma xorai ix makïdï buaboitudagi Diuxi mai biaka agai ix tuixi xaïradagi, ikaiti Diuxi ñokidï. Pomaaxi bïïxi odami bïïtarï xi ïr judiukagi, xi maiti ïr judiukagi ïpï. Diuxi ïr tïanïdamigadï bïïxi óídakami dai maakai ïmo gïdukami bhai ïrhiaraga bïïxkatai xorai tanïdagi soiñi. Kaxkïdï pokaiti Diuxi ñokidï sai, Bïïxi odami kïïgakïrï bubuakimu ix makïdï daanïdagi Suxi Gïr Nukadakami xi ïgai kïïgakïrï bubaidana, ikaiti Diuxi ñokidï.

¿Dai dukatai imïna ïmadutai dai mïï aagidagi ix mai tipukagi xorai gaotosdagi? Kaxkïdï tudu Diuxi ñokidï pokaiti aidï, Gia xigiamaaxi odami ix makïdï buapai go bhai ïrhiaraga aatagi, ikaiti Diuxi ñokidï.

¿Dïï gia dukatai daanïdana ïgai Suxi Kristo sai kïïgakïrï gïn bubaidana mai kia buaboitudakai ïgai? ¿Dai dukatai buaboitudana ïgai Suxi Kristo mai kia kajiomakatai xorai ïgai? ¿Dai dukatai kaïkana ïgai aidï mai tipukatai xorai aagidagi?

Suxi Kristo ïgai dai kugaitu go sïïrhikami. Kaxkïdï Diuxi kïïgakïrï nïidi ix makïdï buaboitudai ïgai.