Оятҳои маъмули Инҷил аз Filipenses 2

Паҳн кунед

Maiti abïr ibuada tomarhi ïmo ixtumaxi ïïgi gïn bïïtarï mosïkaxi ïïgi gïn bïïtarï buamï gïn ïrhiditai aapimï. Dai maiti abïr ibuada tomarhi ïmo ixtumaxi ipïrhiditai ix namïakami bubuakiagi aapimï jaa bïïtarï. Abïr bhaiyoma mai namïakami dukai gïn nïijada ïïgi aapimï. Dai bamioma namïakami dukai abïr nïijada aapimï jaa. Dai bamioma abïr gaagada ixtumaxi ïr soiñikagi jaa bïïtarï dai mai xu xi gaagada aapimï mosïkaxi ixtumaxi ïr soiñikagi ïïgi gïn bïïtarï.

Bhïibïrai tïgibudadï Suxi Kristo tudu ix dukatai idui ïgai.

Daiñi, tomaxi ïr Diuxi ïgai bïïxkïrï gï dagito ïgai xi maigobai gï dasagi bïïxi ix tuma biakatadai ïgai Diuxikatai dai ïmo gapioñi dukai dibia. Podui ïgai ïmo kïïrhi busaikai. Ïïgi gï dumaltu ïgai aidï dai asta muu ïïgiditai ïgai Diuxi. Dai mai xu xi mosïkaxi muu ïgai ïpïan dukai toma xorai. Ïgai muu kuruxiana ix makïdï kabami xaïraraga.

dai kïïga bhaigakamu aapimï xi pobuadagi. Kaxkïdï tudu Diuxi ïgai dai gïn maakai tïgibudagai saidi ipïldana aapimï xi ibuadagi ixtumaxi ïgai ipïrhidi dai gïn maakai ïgai gubukarhigai saidi ibuada aapimï ïpï.

Ïïgi gï dumaltu Suxi Kristo tudu xi kaxkïdï Diuxi kïïga tïkabi dáí sai bïïxi adaama xadutudaiña bïïxkatai óídakami. Maa ïgai go adaama namïakïdï tïtiaragai tudu maakakai go sïïrhikami sai bïïxi adaama gatïanïda ïgai. Podui Diuxi sai bïïxi óídakami xadutudaiña go Suxi. Mai xudu xi ïr oidigi daama óídakamikagi ïgai xi ïr tïbagiïrï óídakami ïpï xi dïbïrai uta darakagi ïpï. Bïïxkatai ïgai gïn totonakïdï gukadamu Suxi buitapi dai xadutuadamu dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

Gin aaduñi Diuxi amadïrï, maiti abïr soi kaitiada aapimï dai tomarhi maiti abïr naana kaitiada aipakoga tomax tuma aaduindagai ibuadagi aapimï. Podukai mai tïigimu jaa ixtukïdï gïpiïrï gïn bupadagi. Kïïga abïr buañixikami dukai óídaka tudu Diuxi maamaradïkatai aapimï. Abïr mai dagitokatai oijada go aatagi ixtukïdï kïïgakïrï óídakana odami sai podukai ïr kudagi dukaikana aapimï óídakatai aapimï saagida go soimaaxi ibuadami dai pupuirugami ix makïdï oidaga tami oidigi daama. Podukai abïr óídaka tudu sai biakana aanï ixtukïdï bhai gin ïrhiadagi xïxkadï dibiagi Suxi Kristo. Sai maatïkana aanï aidï sai mai mos ïïgikïdï aatadui aanï.

Daiñi, aapimï gin aaduñi ix makïdï oigïdai aanï, gï agai xi ïïgiadagi aapimï Diuxi. Kïïga ïïgidiña aapimï tudu aidïxi gïn ïmadï dakatadai aanï. Dai xibi bamioma gï agai xi ïïgiadagi aapimï mïkaxi dakatai aanï. Kïïga xadutudaitai abïr gïn aaga dai kïïgakïrï óídaka ixdukatai óídaga odami ix makïdï ka kïïgakïrï bubuaka. Kabami abïr gïn aaga tudu