Оятҳои маъмули Инҷил аз Santiago 3

Паҳн кунед

Go tïgibudagai ix makïdï gamamaakai Diuxi gia mai pomaaxi. Go Diuxiañdïrï tïgibudagai gia kïïga buañixi dai odami ix makïdï oijadagi gobai gaagaiña ix dukatai xioma urabakatai óídakagi jaa ïmadï. Mai oomarhigakana ïgai dai bhaiyoma kïï tutiakana ïgai dai kïïga abokan dukai óídakana. Soi gïn ïrhidiña ïgai jaa bïïtarï xïïxkadï soimaaxi taatamadagi ïgai dai kïïga buididiña. Ïmadugan dukai nïidiña ïgai bïïxi óídakami ïpï. Dai mai yaatagïiña ïgai dai bhaiyoma bïïxi ixtumaxi aagadagi ïgai gobai ibuadana. Po maaxi go tïgibudagai ix makïdï gamamaakai Diuxi tudu.

Gin aaduñi, ¿Po gïn ïrhidi mïxi sai kïïgadu gïn tïgibudaga dai sai maatï aapimï ix dukatai kïïga óídakagi? Aidï gia ix kïïgadukagi gïn tïgibudaga abïr ibuada ixtumaxi ïr kïïga dai podukai maaxituda saidi ïr buaboi sai kïïgadu gïn tïgibudaga. Kïïga abïr ibuada tudu dai maiti abïr gïgïrdukïdï gïn ïrhiada aapimï. Podukai ibuayi odami ix makïdï mai kïïgadu tïgibudadï kaxkïdï.

Kïï sïïrhi kaatïkana oidakaradï odami ix soikïdagi ïgai jaa tudu sai kïïga gïn urabakatai óídakagi gïn oigïdatai aipakoga tudu.

Toma xakoga xako koimudadï tutiakagi óídakami dai mosïkaxi ïïgi bïïtarï buamï gïn ïrhiadagi ïgai, ami ïïgi gïn bupui ñokaiña óídakami dai naana maaxi soimaaxi ibuadana.

Ïïmo imidagai kïïga xadutuadan kaitiña odami Diuxi dai bhodïrï laachkïdï ïgalbaaxi odami galnaaxi ñokaiña buidïrï jaa odami ix makïdï Diuxi idui. Galnaaxi ñokaiña ïgai buidïrï jaa odami tomaxi Diuxi idui go odami sai ïpïamaaxkana ïgai Diuxi tudu. Ïïmo imidagai kïïga ñokaiña odami aagaitai bhai ïrhiaragai ñoki tudu dïï gia ïïmo imidagai ïgalbaaxi odami galnaaxi ñokaiña buidïrï jaa. Maiti ïr sïïrhi podukai aapimï gin aaduñi Diuxi amadïrï.

Tomaxi arhidukagi ïmo táí dïï gia ix busiagi gobai gïïpi mïmïidi gobai oidigi. Pomaaxi xïïxkadï gïr tïñiañdïrï busiagi ïmo soimaaxkami ñoki tudu. Ïmo arhi ñokikïdï bhaiga odami xi soi buidadagi mui óídakami. Tïñidï odami sïïrhikïdï mui naana maaxi aagaiña soimaaxkami ñoki tudu. Dai tomaxi arhidu gïr tïñi dïï ix aatïmï mai kïïga ñokadagi gïpiïrï gïr surhigai gobai. Tomaxi arhidu gobai bïïxkïrï kïïga gïpiïrï gïr dadaitudai gobai bïï sudakami gïr tukuga tudu. Gïr ñoki ïr ïpïan dukami ïmo táí ix makïdï busiagi go gïï taiyañdïrï xako gïgïbitulda agai Diuxi go diabora. Kïï bhaiga gobai xi xia buadagi bïïxi gïr oidakaraga ix soimaaxi ñokadagi aatïmï.

Dïï gia ïïgi tïñidï odami gobai gia mai tipukana xorai bhai tutiatudagi gobai sai ka mai soimaaxi ñokadagi gobai. Mai dodorhi bipiïyi gïr tïñi tudu dai apia aagaiña naana maaxi mukigami dukai ñoki ïmo patai dukai.

Gin aaduñi Diuxi amadïrï, kïïga gï maatï sai Diuxi bamioma gï tïgito nïida agai ix makïdï gatïtïïgidi ñokidï ix bhai kïï ibuayi dai go gatïtïïgiadami ñoki bamioma biakamu gïgïbidaragai ix mai kïï idui ïgai. Kaxkïdï maiti gï agai ix muidutai aatïmï ipïrhiadagi ix ïr gatïtïïgiadamikagi Diuxi ñokidï.