Оятҳои маъмули Инҷил аз Santiago 1

Паҳн кунед

Gin aaduñi, maiti abïr soi gïn ïrhiada xïïxkadï naana maaxi soimaaxi daibuñagi aapimï dai bhaiyoma abïr bhai gïn ïrhiada. Ka máí aapimï tudu sai xïïxkadï soimaaxi daibuñagi ix apia buaboitudadagi aapimï tomax dukai sai gobai gïn soikïi ix bamioma gïn kabakadagi aapimï go soi ïrhiaragai buidïrï.

Daiñi, xïïxkadï ka mai tïtïïgiagi aapimï ix dukatai iduñagi gïn oidakaraga bïïtarï aidï gia daañibïrai Diuxi dai ïgai bhai ïrhiarakïdï gïn maakimu maatïdagai. Kïïga gï maatï tudu sai maiti gïn bhagaidamu Diuxi daanïitai aapimï tudu.

Gin aaduñi, kïïga abïr gïn tïgito kaïka ixtumaxi gïn aagida iñagai xibi. Daiñi, gï agai sai kïïga kaïkagi aatïmï ixtumaxi gïr aagidagi jaa. Dai gï agai ïpï sai kïïga gïr tïgitokatai ñokadagi aatïmï. Dai maiti gï agai ix otoma bhaakokodagi aatïmï ïpï.

Maiti abïr gïn dagito ix gïn maitiagi go soi ïrhiaragai tudu dai podukai bïïx tasai bamioma kabakami dukai buaboitudamu aapimï asta xako ka maiti gïn biïgakagi ixtumaxi oijada bïïtarï gïr buaboidaraga.

Gï agai sai ïïgiada aapimï Diuxi ñokidï tudu dai mai xu mosïkaxi kaïka aapimï. Jaa gia mosïkaxi kaïkana Diuxi ñokidï dai mai kïïga tïgitokana ix kaiti dai mai ïïgidiña. Ïïgi gïn bupuirumadaiña ïgai pobuadatai tudu. Maiti gï agai ix po buadagi aapimï gin aaduñi.

Gin aaduñi, xïxkadï gïr ajiagi ïmo soi ïrhiaragai dai ix kïïga gïr kabakadagi aatïmï dai apia oijadagi gïr buaboidaraga aidï gia bia aatïmï ixtukïdï bhai gïr ïrhiadagi. Gï agai tudu sai bhai gïr ïrhiadagi aatïmï xïïxkadï gïr kabakadagi aatïmï dai apia oijadagi gïr buaboidaraga tomaxi xijiakagi gïr oidakaraga. Gï agai sai bhai gïr ïrhiada aatïmï maatïkatai Diuxi gïr maakimu gïr maitïki ix makïdï ïr go kïïgakïrï oidakaragai bïïxkïrï bïïtarï. Kaxi gïr aagidi Diuxi sai maakimu ïgai go maitïki go odami ix makïdï oigïdai Diuxi tudu.

Mosïkaxi Diuxi gïr Oga ix makïdï idui go xixabugai dai go tasai dai go masadai ïgai dai tïbagiañdïrï gïr oidi bïïxi ixtumaxi ix makïdï buaboikïdï ïr kïkïïgadukami tudu. Dai kïïga gï maatï sai Diuxi tomarhi ïmo imidagai gïr maakimu soimaaxkami ixtumaxi. Daiñi, tomaxi go xixabugai ïmadï go tasai dai masadai gia ïmapïbuadana dai tutukuiña ïïmo imidagai dïï gia Diuxi apia mo maaxkana dai mai ïmapïbuayi toma lïïchi. Kaxkïdï bhaiga aatïmï xi kïïga buaboitudada ïgai.

Ix kaïkagi aapimï Diuxi ñokidï dai mai ïïgida kaïkagi aapimï, gobai mai kïïgadu. Ïgai ix makïdï pobuadagi ïpïan buayi ïmo odami ix makïdï ïïgi gï nïnïidiña nïidakaruana dai mai kïïga gï tïgito nïidiña dai otoma mai tïgitokana ix maaxi tiodi.

Dïï gia Diuxi pokaiti sai odami ix makïdï mai sarabidi go soimaaxkami ix makïdï oidaga tami oidigi daama dai bhaiyoma kïïga soikïdagi aarhi mai dïïdïkami ïmadï bipiudu, sai ïgai gia kïïga oidi go buaboidaragai ix makïdï kïïga buañixi. Oidi ïgai go buaboidaragai ix makïdï mai bia soimaaxi tudu.

Dai xïxkadï gïn aajiagi tïgibudagai ix soimaaxi iduñagi aapimï maiti abïr pobai gïn ïrhiada saidi Diuxi gïn maakai tïgibudagai podukai. Xadïrï. Daiñi, Diuxi tomarhi ïmo imidagai mai biakana pomaaxkami tïgibudagai ix soimaaxi ibuadagi dai tomarhi ïmo imidagai mai mamaakai ïgai pomaaxkami tïgibudagai odami ïpï. Dai bhaiyoma ïïgi gïr tïgibudaga ïgai daidi gïr bupuirumadaiña dai gïr mamaitiña ix kaxkïdï soimaaxi ibuadana aatïmï. Gobai ïgai tudu dai gïpiïrï gïr dadaitudai dai mai xu xi Diuxi.

Gin aaduñi Diuxi amadïrï, gï agai sai kïïga bhai gïn ïrhiada aapimï ix makïdï ïr soititigami dai ix makïdï jaa odami mai namïakami dukai nïidi. Gï agai sai bhai gïn ïrhiadagi maatïkatai sai Diuxi gia kïïga namïakami dukai gïn nïidi.