Оятҳои маъмули Инҷил аз Hebreos 1

Паҳн кунед

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

Gin aaduñi, kïï maatï aapimï sai dudatai aiturhiña Diuxi ñoki gïr ïïki aaduñikaru. Dai naana dukai aiturhiña ïgai ïpï. Dïï gia mai ïmodïrï aiturhi ïgai bïïxi ñokidï dai bhaiyoma chïchïki ñoki aagidiña ïgai ñiñokituldiadamigadï bai ïgai aagidiña go óídakami Diuxi bïïtarï. Dïï gia xibiapioma Diuxi otoi ïmai kïïrhi bamioma namïakami xi go ñiñokituldiadamigadï Diuxi. Otoi ïgai Maradï tudu sai gïr aiturhiña ñoki xibi karhioga ugiti agaitai oidigi. Diuxi Maradï ïgai tudu ix makïdï idui go oidigi. Dai Diuxi ka aagai sai Maradï ïr tuidadïka agai bïïxi ixtumaxi ix makïdï idui ïgai.

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

Dai potïtïdai ïgai ïpï sai, Aapi ïr go Tïanïdami dai aapi idui go oidigi ïïki aidïxi mai tipukatadai ixtumaxi kia. Dai aapi idui go tïbagi ïpï. Go oidigi ïmadï tïbagi bïïxi ugiti agai. Dïï aapi gia mai ugiti agai tomarhi ïmo imidagai. Go oidigi ïmadï go tïbagi gia kïkïïrhiokorïi ïpïan dukai yukuxi.