Оятҳои маъмули Инҷил аз Galatas 3

Паҳн кунед

Dïï gia Suxi Kristo taata go gïgïbidaragai gïr bïïtarï mukukai kuruxiana1 dai kïïgakïrï gïr bubaitu. ¿Mai ix podukai aagai go Diuxi ojadï? Ami ikaiti sai, Xorai uxiana nagiïkagi tukugadï ïgai maaxitudai sai bia ïgai ïmo gïgïbidaragai Diuxiañdïrï, ikaiti go ojai. Kaxkïdï gï maatï sai Suxi Kristo taata go gïgïbidaragai gïr bïïtarï.

Pomaaxi bïïxkatai aapimï ix makïdï ka buaboitudai. Xibi ïmadugan dukai gïn nïidi Diuxi bïïxkatai aapimï. Mai xudu xi ïr judiukagi ïmoko xiïpï xi maiti ïr judiukagi ïpï, xi ïr ïmo soigaxikami dukai pioñikagi ïgai xiïpï xi maiti ïr pioñikagi ïpï, xi ïr kïïrhikagi ïgai xi ïr okikagi ïpï. Mai xudu, tomax dukai ka ïmo odami dukai bii aapimï bïïxkatai bïïna darakatai Suxi Kristo.

Dai bïïna darakatai aapimï Suxi Kristo gobai itïiya ïrhidi saidi ïr piipixaradï aapimï go Abraamkaru dai gïn ajïga xi gïn aiyagi go bhai ïrhiaragai ix makïdï aagidi Diuxi go Abraam. Gobai ix makïdï aagidi ïgai saidi iduña agai piipixaradï bïïtarï tudu.

Xibi ka taata Suxi go gïgïbidaragai gïr bïïtarï xi kaxkïdï xibi Diuxi gamaakai ïmo gïdukami bhai ïrhiaragai go odami ix makïdï maiti ïr judidiu. Kïïgakïrï nïidi ïgai mos buaboitudakai ïgai tudu. Xibi asta go odami ix makïdï maiti ïr judidiu biatu ï galbaaxi bhai ïrhiaragai ix makïdï maa Diuxi go Abraamkaru ïïki ka bïïna darakatai ïgai Suxi Kristo. Dai xibi aïjïi Diuxi Ibhïadï bïïxkatai aatïmï gïr ïmadï mos buaboitudakai aatïmï xi ïr judidiukagi xi maiti ïr judidiukagi aatïmï ïpï.

Kïïga gï maatï tudu sai tomarhi ïmo odami mai bhaiga xi bïï sudakami ïïgiadagi go sïïrhikami dai kïï biyagi Diuxi ïmadï. Dïï gia Diuxi ojadï ïma dukai aagai. Ami ikaiti sai, Kïïgakïrï óídaga go odami ix makïdï Diuxi kïïgakïrï nïidi mos buaboitudakai ïgai, ikaiti go ojai.