Оятҳои маъмули Инҷил аз 2 Korintios 9

Паҳн кунед

Dai kïï bhaiga ïgai xi bïïxi aïkatai gïn maakadagi ixtumaxi tïgito aapimï kïï tuigakatai ïgai gin bïïtarï. Dai kïï bhaiga ïgai xi gïn maakadagi asta bhaibitukami ixtumaxi ïpï saidi podukai kïïga biakagi aapimï ixtukïdï soikïdagi jaa.

Maiti gï agai aapimï xi po gïn ïrhiada sai gubuakïdï bia xi gamaakadagi soiñi ïpï. Gïn tïgitobïrai ïïgi aapimï xïïxi gï agai sai gamaakadagi aapimï dai pokaxi abïr gamaakada. Dai maiti gï agai sai soi gïn ïrhiadagi aapimï gamaakaitai oidaragai ïpï. Daiñi, Diuxi kïïga bhai ïlda nïidi odami ix makïdï bhai ïrhiarakïdï gamamaakadagi oidaragai.

Kïïga bhai gïn ïrhiarakïdï dai bhai gïïpi abïr gamaakada tudu. Daiñi, xïxkadï gamaakadagi aapimï soiñi jaa gobai ïpïan buayi xïïxkadï ïmo odami gaïsadagi. Ix mosïkaxi lïïchi ïsadagi ïgai aidï gia mosïkaxi lïïchi yoobaiña ïpï. Dïï gia xi bhai gïïpi ïsadagi ïgai aidï gia bhai gïïpi yoobaiña ïgai ïpï.

Daiñi, Diuxi ïgai dai muiduturhi ixtumaxi saidi podukai biakagi odami ixtumaxi tïgitokagi. Dukami, xïxkadï gaïsadagi odami Diuxi ïgai dai muidutudai go ïxtokai saidi biakana go odami ixtuma ugiagi dai ixtuma ïsadagi ïpamu. Kïï bhaiga Diuxi ix gïn maakadagi asta bhaibitukami ixtumaxi tudu saidi kïïga ibuada aapimï oiditai soiñi jaa. Diuxi gïn maakimu ixtukïdï kïïga soikïdagi aapimï jaa tudu bai podukai ix makïdï soi aapimï bhai gïn ïrhiadamu Diuxi ïmadï.

Kïïga gï maatï tudu sai Diuxi otoi go Suxi Kristo dai bhai dui go kïïgakïrï bubaidaragai gïr bïïtarï dai gobai ïr ïmo gïdukami oidaragai bïïxkatai aatïmï buaboitudadami gïr bïïtarï. Gïr tïgibudaga mai ajïi ix gïr tïgitokagi xïï kïï tuiga Diuxi tudu dai mai tïtïgai aatïmï ñoki ixdukatai aagada aatïmï xïï kïï tuiga ïgai ïpï.