Оятҳои маъмули Инҷил аз 1 Tomoteo 2

Паҳн кунед

Ipïrhidi ïgai tudu sai odami maatïkana sai mos arhi ïmo Diuxi oidaga dai mos arhi ïmaduga ix makïdï bhai buayi gïr bïïtarï Diuxi ïmadï dai ïgai ïr Suxi Kristo ix makïdï ïmo kïïrhi busai. Mai tipu ïmai. Ïïgi gï tïïgitu Suxi Kristo tudu sai muana jaa ïmo daxdaragai dukai. Podukai bhai dui ïgai bïïxi óídakami bïïtarï sai ïgaikïdï kïïgakïrï bubuakïna óídakami. Ïgai dibia tami oidigi daama ixtuigako Diuxi ipïrhi xi dibiana dai gïr maaxiturhi sai Diuxi ipïrhidi ix kïïgakïrï bubuakïna bïïxkatai óídakami.

Xibi bia aanï ïmo ñoki namïakami gï bïïtarï aapi Timoteo. Daiñi, aanï aagai sai sïïrhikïdï gï agai xi aapi ïmadï bïïxi buaboitudadami daanïdagi Diuxi bïïxi ixtumaxi biïgakagi bïïtarï. Dai sai daanturhiña aapimï bïïxi óídakami bïïtarï ïpï sai Diuxi soi gïlda nïidana. Daidi abïr maakada ïmo Diuxi aatanamïidaragai Diuxi daanïitai ïpï. Daidi abïr daanturhiada go gïgïr dudunukami dai bïïxi go gaa gupudagai bipiakami ïpï. Abïr daanïda ïgai bïïtarï bai kïïga aatabuadagi ïgai. Gï agai gobai sai podukai xioma óídakana aatïmï bïïxkatai xadutudaitai Diuxi dai kïïga gïr xadutudaitai aipakoga ïpï.

Ka aagai aanï tudu sai gï agai bïïxi buaboitudadami xi daanïdagi Diuxi. Kaxkïdï ipïrhidi aanï sai bïïxi aipakoga xako gïn ïmpaidadagi buaboitudadami sai ami go kïkïïrhi aatagana Diuxi ïmadï daanïitai ïgai. Kïï maatï aapi sai xïïxkadï gïr aaduñi kïkïïrhi atagadagi Diuxi ïmadï táí bapañidiña ïkadï. Podukai ïïmadai aatïmï tudu. Dïï gia gï agai xi ïko darakagi ïgai soimaaxkamiañdïrï xïïxkadï daanïdagi Diuxi. Gï agai tudu xi mai bhakoikagi ïgai dai xi maiti gïn bupui ñokadagi ïpï xïxkadï daanïda agadagi ïgai. Dai ipïrhidi aanï xi oki bhai maaxkami yukuxi gïn aadagi. Maiti gï agai tudu xi ïmo oki ipïrhiadagi xi jaa gïn tïgito nïijadagi ix maaxi tiodi nïiditai yukuxidï. Dai kaxkïdï ïpï maiti gï agai xi kabami bhaibitukami bhai buadagi ïgai kuupadï. Dai maiti gï agai ïgai xi gïn aadagi yukuxi kabami namïakami xiïpï bhaibukai dai naanakagi kabami namïakami ïpï ipïrhiditai xi jaa gïn tïgito nïijadagi. Bhaiyoma gï agai xi ibuadagi ïgai ix makïdï kïïgadukagi dai ix makïdï bhai maaxkagi jaa bïïtarï. Gobai tudu bhai maaxi ïmo oki bïïtarï ix makïdï xadutudai Diuxi dai mai xu xi ipïrhiada xi jaa tïgito nïijadagi yukuxidï.