Popular Bible Verses from Zenez 28

Паҳн кунед

Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”

LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la.

Ler somey Zakob kase, li dir: “LESEGNER prezan dan sa landrwa la, me mo pa ti kone.”

Lerla, Zakob fer enn promes: “Si Bondie res avek mwa, e protez mwa dan mo vwayaz, si li donn mwa manze ek linz, e si li fer mwa retourn lakaz mo papa anbien, alor, LESEGNER pou mo Bondie. Sa ros ki mo finn drese e konsakre la, pou vinn enn lakaz pou Bondie. Mo pou donn twa dis poursan dan tou seki to donn mwa.”

Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan.

Li apel sa landrwa la Betel, ki vedir Lakaz Bondie. Avan, sa landrwa la ti apel Louz.