Popular Bible Verses from Matyo 23

Паҳн кунед

Gho kɛ̀ abwaʼ ndzɔn wara ngo mwɔ gho afwɛʼ endɔn.

Egho e ma kwaʼ ekwa ma ke mwɔ gho kɛ́ ngɛ, e ba bwaara engɔ. Egho wɛ gɛrɛ ma bwaara ekwa mɔ ngɛ, e ba bèʼrè engɔ ekere.”

Ànkwɔ̀nɔ̀ endɔn bàtee atsɛrɛ mane bɔ Farisii, mbɔʼnga mbɔn na bɔ ndooro aghɔɔ! Mbɔn ba gɛ̀bɛ̀ enklila mbɔn ene aklo wum, ndɛʼ eklo ŋwaʼ ebe Ngwe, enklila é fuʼ ende na mint, dil mane kumin byɛ mbɔn me le ngɛ. Bɛʼngɛ mbɔn sèrè angwa abwa wɛ atsɛrɛ Ngwe ma tee ngɛ na, é fwɛʼ ebwa wɛ e me koʼro ngɛ, é le eklasɔn, mane é shi ńtara bɔ ene Ngwe ngɛ. Mbɔn be koʼro é ma fwɛʼ abwa yɛ mbɔn à dye ma le ngɛ ne ma sèrè angwa ebwa wɛ atsɛrɛ Ngwe ma tee ngɛ bo.

Ànkwɔ̀nɔ̀ endɔn bàtee atsɛrɛ mane bɔ Farisii, mbɔʼnga mbɔn na bɔ ndooro aghɔɔ! Mbɔn na sò echim ǹtoʼ mane eka, efwɔ shi me shwe ene ela byɛ mbɔn me fèere ebe bɔ mane angɔ byɛ mbɔn me shi ene àngwa ngɛ.

Yeso fɔɔ embè ga kpe, “Wa mmɛ ngà! Bɔ Jerusalɛm! Bɔ Jerusalɛm! Mbɔn byɛ mbɔn à zhudu bàmɛnɛkɔn Ngwe gɛ̀rɛ̀ ma timi bɔntɔm byɛ Ngwe me saa endɔn ngɛ ene atye. Akyɛ akɛkɛ mmɛ shi kpe mmɛ shunu angɔn na engwa ekwaʼ ma zobo bwɔ efwɔ eblaba mɔ nɔ mbɔn tɔn!

Nkirinkin, eleabwa ndzɔn ya tee ese kpe mbɔn ba le abwa yɛ a me koʼro efàarà Ngwe ngɛ, bɛʼngɛ ńtara ntsɔn me shwe ene endooro aghɔɔ mane abwa bɔɔbɔɔ.