Popular Bible Verses from ዋ̈ኒ̇ሳ 15

Паҳн кунед

“ዎይኒምቦ̇ ኡባ̇̈ዲ ታ̈ና፤ ዪንታ̇ር ታ̈ብ ሻቃን። ዎይሊን ኣ̈ፍ ካጺ̇ዛዲ ታባር ዶኢዛዲኬ ታናር ኢባር ዎዳ፤ ቴ ባዪዶ̈ን ዪንቲ̇ ዪንታ̇ ዎልቃባር ኣባካር ዎታንዳ̇ብ ዳንዳኢባ̈ሴ።

ዪንቲ̇ ታባር ፔታ̇ን ማ̈ቃ̇ር ዶኢብቴ̇፤ ታ̈ናር ዪንታ̇ባር ፔታ̇ን ማ̈ቃ̇ር ዶኣንዳ̇። ዎይና ሻቆ ፌ ኡቢ̇ን ጋልዳ̇ ዶኣካ̇ይ ኣቴ̇ጌይን ፌቆማ̇ብ ኣ̈ፍ ካጻ̇ንዳብ ዳንዳኣባሶንዲፌ̈ኒ ዪንታ̇ር ታባር ዶኣካ̇ይ ኣቴጌይን ኣ̈ፍ ካጻ̇ንዳብ ዳንዳኢባ̈ሴ።

ዪንቲ̇ ታባር ፔታ̇ን ማ̈ቃ̇ር ዶኤጌይንዶ̇ ቴ ቃሊንዳ̇ር ዪንታ̇ባር ዶኤጌይን፥ ዪንቲ̇ ኮዪኖ ባዝ ዎይ ጌሺብቴ ቴ ዪንታ̇ብ ኢማ̇ንዳ።

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ኣሲ ፌ ሼምፒ̇ን ፌ ካዛንቦ ዓይቃብ ኣር ኢማ̇ዚምፖ̇ ሺዝ ሜላ ካን ኦ̈ባካር ባዬ።

ኢያሬ ቴ ጋልዳ̇ ዎ ኣፍ ካጺ̇ባ̈ሶ ሻቃን ዎይ ቃጻ̇ር ቶጚ̈ሬ፤ ኣ̈ፍ ካጺ̇ዝ ሻቃን ዎይ ኮሺንቺ̇ ኣ̈ፍ ካጻ̇ምፔ̈ን ሳሂ̈ሬ።

ቴ ዪንታ̇ ኪ̈ታዝ ኪ̈ቲንዳ ዓኖ̇፥ ቴ ዪንታ̇ ካኖንዲፌ̈ኒ ዪንታ̇̇ሬ ዎል ዎልኣ ካብቴ̇።

ዪንቲ̇ ዎይሊን ኣፍ ካጼጌይን ዪኒ̇ባር ቴ ባ̈ባ ቦንቺ̇ንቲ̈ሬ፥ ዪንታ̇ር ታ̈ብ ታማ̈ሪ ማ̈ቂ̇ኖን ዪና̇ ኢዝባራ ቤይሲ̈ሬ።

“ኪን ዎይና ሚዲ ታ̈ና፤ ኢዝ ጋርሲን ጎሽኪ̇ዛ̈ዲ ቴ ባ̈ባ̈ዳ፤

ታባር ዶኢባሶ̈ዲ ቃጺንታ̇ር ዛ̈ና ቶጚንታ̇ር ሜሊዝ ሻቃፌ̈ኔ፤ ዪንፌ̈ኖ ሻቃን ሺ̈ሻ̇ር ታማ̇ ጋርታ ቶጚንታ̇ር ኢና ሚጪ̈ሬ።

ዪኖ̇ ቴ ዪንታ̇ብ ሶ̈ሊኖንዳ̇ ቴ ኡፋይሲንዳ ዪንታ̇ባራ ማቃምፔ̈ንኬ ማ ዪንታ̇ብ ኡፋይሲ ዎይላምፔ̈ኔ።

ታ̈ኒ ቴ ባ̈ባ ኪ̈ቲን ና̈ጋራ ኢ ካንምባር ዶኣዚንዲፌ̈ን፥ ዪንታ̇ሬ ቴ ኪ̈ቲን ና̈ጌጌይን ዪንቲ̇ ቴ ካምባ̇ር ዶኢ̈ሬ።

ቴ ዪንታ̇ ኪ̈ታ̇ዝ ኪቲ̇ን ዓኖ̇፥ ዪንቲ̇ ዎልዎልኣ ካብቴ̇” ጌይዴ።

ዪንቲ̇ ዎን ኣላሚን ጋልዳ ዎ ኣሳን ማይጺ ዎኮ ኢንቲ̇ ፌባዝ ማ̈ቂ̇ኖን ካ̈ርዶን፥ ዎቲናካሬ ዪንቲ ዓና̇ ኣላሚን ኣስ ጊዳካ̇ዮኮታ̇ብኬ ታ̈ኒ ዪንታ̇ ኣላሚን ጋልዳ̇ ዎ ኣሳን ጋርታ̇ፖ̇ ቆራር ኤኪ̇ኖኮታ̇ቦ ኣላሚን ዪንታ̇ ኢጻ̇̈ሬ።