Popular Bible Verses from Roma 12

Паҳн кунед

Iya puyu bobo dxeral nii. Ppryuxi ma psbgrahi ka lhebun namu. So namu maha giimun maanu ka malu, mttuku ma qrasun bale lnglungan Utux Baro.

Mtswai, maanu so kiya de huwe Utux Baro ka ddudul mu yamu. Kiya de ngali muudus mrtaso snapuh ka heyi namu de bqani Utux Baro. Nii we mrtaso ma qrasun Utux Baro. Asi ka so nii ka qnpahan namu.

Qqaras ckceka sntangan namu. Knremun ckceka mqraqil namu. Druni klaali.

Maanu so kiya de iya pdgyali ka naqah, tmgiyal naqah ka malu.

Gmalu namu mtswai we pggaalu bale. Psparu namu mita seediq we pttgeela msparu.

Gnaalu we iya pnnangi gmaalu. Naqah we qnqihi ka naqah. Malu we sai smdaling.

Nasi mtduwa daun de peeyah beyax su ma nduwa su msbleyaq theyaq kana seediq.

Kana ita mtswai, iya knciyuk. Hdqani seang Utux Baro. Ado ga spatis Patis: “Rmengo ka Bukung: ‘Mciyuk na we yaku. Ida ku mciyuk.’”

Kdrumuc, iya kbserux. Ktilux lhebun ma qpahi Bukung klaali.

Ado mnoda ku huwe bnege na kenan ma mprengo ku txtaxa yamu: Iya pgkala mita yamu nanak. Pyugi snhiyan namu bnege Utux Baro lmngelung, teta kenu ka maha pnlengu na.

Naqah we iya cyuki naqah. Malu mesa ka kana seediq we nduwa ba qmeepah.

Pntena lhebun namu. Iya psparu ka lhebun namu. Psbiciq ma iya kesa paru tunux mu ka yamu.

Uxe wano so kiya, “Nasi muure ka pais su de biqi uqun. Nasi mhqeni de pmahi. Ado noda su nii de, gisu su gmutu tahuc tunux na ka bagah puniq.”

Sbliqi ka seediq tmraqil yamu. Sbliqi ma iya syusi. Theyaq mqaras seediq ga mqaras. Theyaq lmingis seediq ga lmingis.

Ini doi ka mtswai we biqi. Sbleqi psteme sapah namu ka seediq mtnooda.

Mntena so 1 heyi ta we niqan knkingal cida. Knkingal cida we uxe mntena qpahun kana. So kiya de meeniq ta ckceka Kiristo de 1 ba heyi ta ma txtaxa ta we ida ta cida mggaluk hiya ka ita hbaro seediq.