Popular Bible Verses from 2 Korinto 1

Паҳн кунед

Tai so qrasun tmdahu ka Utux Baro tama Yesu Kiristo Bukung ta! Heya we tama paru bale gnaalu ma Utux Baro mege lmlamu smbbeyax. Meniq nami mqraqil we smbbeyax menan ka heya. Kiya de ddehuk miyan moda pnsbeyax Utux Baro menan smbbeyax miyan seediq ga mooda ani maanu mqraqil.

Mntena yami ga msuupu Kiristo mangal lmlamu mqraqil. Yami uri we smtama nami Kiristo mangal nami smbyaxan.

Ida ta maha phqilun mnesa miyan lmngelung. Kiya de uxe nami sstama menan nanak ma sstama miyan Utux Baro pkuudus wada mhuqil.

Mnoda ta Kiristo wada tana pspuun pgdehu ma wada hmeruy abura ita we kika Utux Baro. Heya we wada pskraya ita ma wada na sbege smpusu lhebun ta ka Bgihur Utux.

Nasi miyan moda mqraqil we kiya ka aangal namu pnsbyaxan ma kkuudus namu kiya. Nasi miyan mangal pnsbyaxan we aangal namu pnsbyaxan uri. Knremun namu moda mqraqil so nii miyan daan we ngalun namu ka pnsbyaxan nii.