Popular Bible Verses from 1. Mose 7

Паҳн кунед

Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

O pani his tardo ap i phub 150 (sheel-te-paash-sheel) diwessa.

Har o Noah 600 (shob-sheel) bersha phuro his, an o duito tchon an ko bersh, ap o deesh-te-eftato diwes was o pani, hoi an i phub hi, i sorjah win.

Jaake was o tselo djipen ap i phub tassedo: i menshe, i vieche, i bare un i tikne, ninna i tchirkle. Halauter was tassedo. O Noah kokres atchas djido un kolla, kai djan khetne leha an o panjeskro kheer.

Un dran o bolepen was baro sorelo brishin ap i phub: star-desha diwessa un star-desha rati.