Popular Bible Verses from Matie Sɛbɛ 24

Паҳн кунед

A bier maalfʋ na dɔɔlɔ taa, na saa na a nɩ-yaw nʋfʋ naa ɓãa, ɩ̃-cɛ a ʋlɔ na tɛrɛ a su-varkpara ɩraa nɩ wa ta nɩ a baarfʋ daar nɔɔ pɔw na a faafʋ.

A tẽw ʋ jaa nɔɔ wõ na a Naaŋmɩn fãw ƴɛr-son naa, ʋ ɩ a yel-mɩ̃ɛ manfʋ a ten nɩbɛ ba jaa jie, ɩ̃ a baarfʋ daar pãa ta.

Nyɩ na wõ na a jɛb ƴɛrɩ̃sɩ nɩ a ten nɩdaa damfʋ, ɩ̃ nyɩ taa wa ɩ a dama nyɩ wa, a-na-ɩ a sɛw na a na ta a lɛ, ɩ̃-cɛ a kɔ̃ ɩ a tẽw baarfʋ daar sɛr wa.

A tẽw na nɩbɛ nɔɔ irʼã jɛbɛ nɩ a tẽ-kpee nɩbɛ, ɩ̃ a jamana kãw na mɩ irʼã jɛbɛ nɩ jaman-kpee. A tẽw nɔɔ miine na a ji-bʋrɔ bʋrɔ, ɩ̃ a kɔ̃ kpee nɔɔ lo na. Ɩ̃-cɛ a ana yele a jaa na wɔ̃ na taa nɩ a walfʋ na nyɔw a pɔw.

A saꞌlon nɩ a tene na tɔlʼã, ɩ̃-cɛ a ɩ̃ ƴɛrɩ̃ ma tɔlɔ fɩ̃ɩ wa.

A-na-ɩ a nɩ-yaw nɔɔ wa na nɩ a ɩ̃ yuor, na ba yele nɩ a bala ɩ a *Kirisi, ɩ̃ ba na bɛlɩ̃ na a nɩ-yaw.

“A ʋna daarʼãa, ba na nyɔw nyɩ na ƴɔ̃w a hʋɔlfʋ pʋɔ ɩ̃ kúrɔ nyɩ, ɩ̃ a ten a jaa na mɩ ꞌlaar nyɩ na a ɩ̃ ɩnɛ. A lɛdaar mɩ, a nɩ-yaw na barʼã a puorfʋ, ɩ̃ ꞌlaar taa cile nɩ taa a ba sama-deme jie. A ƴɛr-hierbe yaw na mɩ wa na na ŋmara a jirsɩ, bɛlɛ nɩ a nɩ-yaw.

A Jeeju yel ba: “Nyɩ́ tɛrɛ nyɩ mɩ̃ɛ a mɩnɛ a nɩrɛ kɔ̃ wa bɛlɩ̃ nyɩ wa.

A lɛ ʋ mɩ a nyɩmɩ mɩ, nyɩ́ bɔ̃w gbɛɛrɩ̃ a nyɩ mɩ̃ɛ, a-na-ɩ a Nɩbɛ Bie na wa na a daar ʋlɔ nyɩ na ma gure ʋ wa.

Ala-ɩ̃-sɔ, nyɩ́ bɔ̃w jʋʋrɔ, a-na-ɩ nyaa bɔ̃w a bibir ʋlɔ a nyɩ Nɩ-kpɛ̃ɛ na waara wa.

“Nɩrɛ ma bɔ̃w a *Nɩbɛ Bie waa bibir ʋlɔ nɩ a daar wa. A saa juu sɩ-tʋnɩsɩ nɩ a Bie ma mɩ bɔ̃w wa, ɩ̃ a ala ma ɩ a Sãa tɛw ʋ wa.

A-na-ɩ a jir-ŋma-Kirisisɩ nɩ a jir-ŋma-ƴɛr-hierbe nɔɔ wa na tʋnɔ a nɔ-kofʋ tʋ̃-bɛrɛ miile nɩ a ba kpɛ̃w, bʋɔrɔ ba bɛlɛ nɩ a bala a Naaŋmɩn na vɛl ir.

A-na-ɩ a mɩnɛ a na dãa be a Nowe daar, a lɛ a na lɛ be a Nɩbɛ Bie waa daar. A lɛdaar a kʋ̃ɔ kpɛ̃ɛ na ma dãa wa sɛr wa, nɩbɛ dãa na dɩrɛ nyuure nɩ, kule taa ɩ̃ mɩ ture a ba bi-pɔɔbɔ a ba kule, wa ta nɩ a ʋna bibir a Nowe na kpɛ a gbor kpɛ̃ɛ pʋɔ. Baa dãa bɔ̃w bom, wa ta nɩ a ʋna bibir a kʋ̃ɔ kpɛ̃ɛ na wa wob ba ba jaa. A lɛ a na mɩ be a Nɩbɛ Bie waa daar mɩ.