Popular Bible Verses from Marcos 14

Паҳн кунед

Najjts nyuu'kxtaajky: «nTeety'ajjt tsajpjotmë't, mijts tukkë'yë mmaajyë'p, ku mijts jyeexyë xtüny nits kä' ëjts ya'at ayoo'n ntanaxt; kä'äts xtu'nt naa'xkë'n ëjts ntsöky, wä'n najj tünyë naa'xkë'n mijts xtsöky.»

Katij mma'atë, nuu'kxta'aktë, jäts kä' mëjjku'ujy myëkpökytyunëtë't. Mjattunwämpy miits y'oy'ajjtpë, kä'äts miits nityu'uk mmata'aktë't.

Ixyam ëjts nnikkäjpxy: Pënmaj it pënmaj kajjp tu'k'it naxwiin maj yyëkkajpxwa'kxt ya'at oy'ayuujk oymatya'aky, mëët yyëkmatya'akt mati' ya'at to'oxytyëjjk tëj tüny, najjts jaa'myetsy y'itt.

Jäts tnëëjmjaay pën y'ijjty myëët'eepy: —Yëk'ayoopënäxy ëjts nnyajyaa'w'ätyë, oo'kp ëjts jyawë. Tantë yaayë, jükyëtë katij mma'atë.

Kuts najj wyaany jäts jyak'a'uxë'y'atëtstë. Nits Jesús tkoony tu'uk tsajpkääky jäts tkunuu'kxtaajky, nits ttujkwä'kxy jäts ttaniwaajt'ëëy y'ixpëjkpëttëjjk nits wyaany: —Kontsowtë, yë' ëjts nnikkëjjx'eepy.

Nits tkoony uujk'ëë'ny jäts tkunuu'kxtaajky, nits ttok'uujky tu'uk jatu'uk y'ixpëjkpëttëjjk. Nits jatu'kyaajjë wyaany: —Ëjts ya'at nnë'ëjpy, mati' tsunwamp ta'kxwamp, yë'ëts nam käjpxy tta'attujkp, yë' në'ëjpykyëjxm nimaynyäxy jaa'y nyitso'oktë't.

Jäts Jesús tnëëjmjaay y'ixpëjkpëttëjjk: —Nityu'uk ëjts miits xyëktanwa'any, mkäkkëxtë'p miits. Najj jaypyety myiny: “Nyëk'ookp ëjts worrekë ijxpë, jäts nitukkë'yë worrekë yyo'ywya'kxkëxt.”

Puttë'ëktë jäts tjaa'myë'n; jäänë wyinköny pën ëjts jaa'y xtokmatswamp.

Jäts Jesús y'atsoojjë: —Ixyam ëjts nnikkäjpxy, jäts ya'at tsuuj, kä'änë'm wyä'në mumäjtskyaajjë tsajpna'aaw y'aya'axy, tëj mijts wyä'në m'ëëny tuwëëkyaajjë jäts kä' ëjts x'ijxë.