Popular Bible Verses from Marcos 12

Паҳн кунед

Nits Jesús y'atsooy: —Pawaa'n mati' tnimëjj'eepy jä' jä' mati' wamp: “Amatowtë Israelë't jaa'y: Tu'ukë'm Yës Teety mWintsëntë, nippën jatu'uk yës kya'ity. Tsoktë Yës Teety mWintsën tu'k'aaw tu'kjoojt, tu'kjaa'wë'n, tu'kwinmaa'ny mëët tukkë'yë mëjk'ajjtë'n.” Jämts jatu'uk mati' wamp: “Tsok mmuku'uktëjjk naa'xkë'n mijts kë'm mnatsyökyë.” Nittij jatu'uk pawaa'n kya'ity mati' jawyiin ntajottakkoo'yë'm, ya'at mäjtsk pawaa'n tnimëjj'eepy.

Nits Jesús tyaajxjaay y'ixpëjkpëttëjjk, jäts tnëëjmjaay: —Ixyam ëjts nnikkäjpxy, nippën jatu'uk jaa'y myeeny tëj tkakkukkonë këjx'am, naa'xkë'n yë' ayoopë ku'ookytyo'oxytyëjjk; Nitukkë'yë jaa'y meeny tëj tkäxtë mati' nnittaa'nxëtë'p, jäts yë' to'oxytyëjjk tëj tukkë'yë myeeny t'akkoo'nëkyexy mati' jyeexyë tyajüky'eepy.

Jäjp y'ijjty Jesús tsyëënë winkon maj jaa'y meeny tyoxtë tsajptijkypy jäts t'ijxy t'aa'xtüky ntsoj jaa'y myeeny t'akkonëtë meenykyoo'n'ëë'nyjötypy. Jäts kumeenyjyaa'ytyë këjx'amjäty y'ijjty meeny t'akkonëtë Ku jya'ajty tu'uk ayoopë ku'ookytyo'oxytyëjjk jäts t'akkoo'n'ëëy mäjtsk winkaap myeeny.

Jäts ntsojjkë'n Yës Teety tu'k'aaw tu'kjoojt, mëët tukkë'yë nwinjaa'w'ajjtë'n nkujjkjaa'w'ajjtë'n, jäts mëët tukkë'yë nmëjk'ajjtë'n, nits ntsojjkë'n nmuku'uktëjjk naa'xkë'n ëëtë'm kë'm nnatsyojjkyë'n, yë' Yës Teety tsyöjkypy y'oyjyaa'w'eepy, kä' jä' në'n tsöky ku ëëtë'm tanë'ëk nyë'ëjpy ntawintsë'ëjk'ëë'yë'n jäts mati'jäty wintsë'ëjk'ëë'ny jaa'y yyëktoytyë'p tsajptijkypy.

Nits Jesús nyëë'mxëtë: —Mmo'otë'ts jä' yëkkuttujkpë mati' yëkkuttujkpë jyä'eepy, jäts Yës Teety mati' Yës Teety jyä'eepy. Attëy'ajat jä'yë tyankëjxtë ku Jesús najj nyëë'mxëtë.