Оятҳои маъмули Инҷил аз रोमी 3

Паҳн кунед

किल्हैकि सोभी आसा पाप किअ द अर परमेशरे प्रतप्पा का आसा सोभै दूर। परमेशरै किई हाम्हां लै एही झींण कि म्हारै पाप करनैओ लिखअ-जोखअ पाअ मटाऊई बणाऐं हाम्हैं तेऊ धर्मीं। हाम्हैं निं एता लै किछ़ै किम्मत दैनी। मसीहा ईशू किअ अह काम हाम्हां लै छ़ुटकारै दैई पूरअ।

हाम्हैं किअ ईशू मसीहा दी विश्वास अर एता करै बणाऐं हाम्हैं परमेशरै आप्पू संघै धर्मीं। अह गल्‍ल आसा विश्वास करनै आल़ै सोभी लै शुची किल्हैकि सोभै लोग आसा एक बराबर।

परमेशरै किअ ईशू पाप दूर करना लै बल़ीदान। ज़ेभै लोग इहअ विश्वास करा कि ईशू मसीहा बहाऊअ आपणअ लोहू अर सह हुअ म्हारी तैणीं बल़ीदान तेभै बणाऐं मणछ परमेशरा संघै धर्मीं। अह बल़ीदान करा ऐहा गल्‍ला प्रगट कि परमेशरै निं भेदभाब किअ अर तेऊ निं तिन्‍नां लै सज़ा दैनी ज़ुंणी पैहलै पाप किऐ तै। इहअ कि तेभी परमेशरे धर्मीं हणअ प्रगट होए कि सह किहअ धर्मीं आसा अर ज़ुंण ईशू दी विश्वास करे तेऊ बी बणांए सह धर्मीं।

किल्हैकि बधाने साबै कामां करै निं कोहै बी मणछ धर्मीं हई सकदअ, इहअ करै कि मोसा गूरै लिखअ द बधान करा ऐहा गल्‍ला हाम्हां लै प्रगट कि हाम्हैं आसा पापी।

ज़िहअ पबित्र शास्त्रा दी आसा लिखअ द, “कोहै निं धर्मीं आथी, ज़ाथी निं एक बी आथी! इहअ निं कोहै समझ़कार आथी ज़हा का थोघ आसा कि ठीक किज़ै आसा, परमेशरे लोल़-तोप करनै आल़अ निं कोहै आथी। “सोभै मणछ आसा कबाता गऐ दै पेठी, ज़ाथी आसा सोभै भ्रष्ट गऐ दै हई, कोहै निं भलअ करदअ, ज़ाथी निं एक बी आथी!

इहअ करै निखल़अ म्हारै एतो अह नचोल़ कि हाम्हैं निं बधाने साबै काम करनै करै धर्मीं बणाऐं पर हाम्हैं बणाऐं परमेशरै मसीहा ईशू दी विश्वास करनै करै धर्मीं।

इहअ निं कधि हणअ। पर परमेशर बोला हर बगत शुचअ अर हर मणछ हणअ झ़ुठअ, ज़िहअ पबित्र शास्त्र परमेशरे बारै बोला, “मुल्है दोश लाणा लै आसा तूह शुचअ अर मेरअ नसाफ करना लै आसा तूह धर्मीं।”