Popular Bible Verses from शधाणूं 1

Паҳн кунед

“पर ज़ेभै पबित्र आत्मां तम्हां दी एछे, तेभै भेटणीं तम्हां शगती, तेखअ हणैं तम्हैं एरुशलेम नगरी, सारै यहूदा मुल्खै, सामरी मुल्खै अर सारी पृथूई दी हर ज़ैगा मेरै शाजत।”

प्रभू ईशू बोलअ तिन्‍नां लै, “तैहा ऋता अर तेऊ ज़मानें बारै थोघ हणें निं तम्हां किछ़ै ज़रुरत आथी तिन्‍नां गल्‍लो थोघ अर हक आसा सिधअ बाब परमेशरा का कि तिंयां गल्‍ला केभै हणीं।

ज़ेभै सह तिन्‍नां सेटा त, तेऊ दैनअ तिन्‍नां लै इहअ हुकम, “एरुशलेम नगरी निं छ़ाडी, पर मेरै बाब परमेशरे तैहा करारा पूरी हणैं तैणीं रहै ऐहा ई नगरी न्हैल़ै लागी, ज़ेते बारै मंऐं तम्हां का पैहलै ई आसा खोज़अ द। “किल्हैकि जोहन्‍ना, दैनी पाणीं दी डुबकी; पर परमेशरा दैणीं तम्हां लै पबित्र आत्मां दी डुबकी।”

क्रूसा दी दुख ज़िरी ज़ान दैणैं का बाद रहअ ईशू च़ाल़्ही धैल़ै तैणीं शधाणूं संघै बगती-बगती तिन्‍नां सेटा डेऊंदअ अर तिन्‍नां लै परमेशरो राज़ एछणें बारै खोज़दअ लागी। तेऊ किई अह गल्‍ल कई पाक्‍कै सबूत रहैऊई प्रगट कि सह हुअ मरी करै भिई ज़िऊंदअ।

इना गल्‍ला बोली डेऊअ प्रभू तिन्‍नां सम्हनै उझै स्वर्गा लै अर बादल़ै च़ोरअ सह तिन्‍नें आछी का दूर।

प्रभू डेऊंदी बारी तै तिंयां सोभ लागै दै सरगा बाखा लै भाल़ै, अर दूई स्वर्ग दूत शेतै झिकल़ै बान्हैं दै तिन्‍नां सेटा लै आऐ अर खल़्हुऐ। तिन्‍नैं स्वर्ग दूतै बोलअ तिन्‍नां लै, “हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।”