Popular Bible Verses from مرقس 14

Паҳн кунед

تے اوس آکھیا۔ ابّا یعنی اے باپ سبھ کُجھ تَیتھوں ہوسکدا اے۔ ایس پیالے نُوں میرے کولوں ہٹا دے۔ پر اوہ نا ہوئے جو مَیں چاہناں آں۔ سگوں اوہ جو تُوں چاہنا ایں۔

جاگو تے دُعا منگو پئی تُسی ازمایش وِچ نا پَوو۔ رُوح تے تیار اے پر بدن کمزور اے۔

تے مَیں تُہانوں سَچ آکھنا آں۔ پئی ساری دُنیا وِچ جِتّھے کِتّھے اِنجِیل دی منادی کِیتی جائے گی اوتھے ایہدا وی جو ایس کِیتا اے اوہدی یادگیری دے لئی ذِکر ہوئے گا۔

تے اوس اوہناں نُوں آکھیا۔ میرا جی بُہت اُداس اے۔ سگوں مرن وانگر حال اے۔ تُسی ایتھے ٹھیرو تے جاگدے رہو۔

تے جد اوہ پئے کھاندے سن اوس روٹی لئی تے برکت منگ کے توڑی۔ تے اوہناں نُوں دے کے آکھیا۔ لوؤ ایہہ میرا بدن اے۔

تے اوس پیالہ لے کے شُکر کِیتا۔ تے اوہناں نُوں دِتّا۔ تے سبھناں اوہدے وِچوں پِیتا۔ تے اوس اوہناں نُوں آکھیا۔ ایہہ میرا عہد دا لہو اے۔ جیہڑا بتھیریاں لئی وگایا جاندا اے۔

تے یِسُوع اوہناں نُوں آکھیا پئی تُسی سارے ٹھوکر کھاؤ گے۔ کیوں جو لِکھیا اے پئی مَیں ایّالی نُوں ماراں گا تے بھیڈاں کھِلّر جان گِیاں۔

اُٹھو چلّئے۔ ویکھو میرا پھڑان والا نیڑے آیا اے۔

تے یِسُوع اوہنوں آکھیا مَیں تینُوں سَچ آکھنا آں۔ پئی اَج ایسے رات کُکّڑ دے دو وار بانگ دین توں پہلاں تُوں تَرے وار میرا اِنکار کریں گا۔