Popular Bible Verses from LUKAS 3

Паҳн кунед

Napawe manga taumata udde nissaṛṛanite, Mawu Yesus lai nissaṛṛani. Wuṛṛu tantal᷊anna i Tou u'al᷊iomanna, langitta nati'akka, wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

Pasiloa'e ringannu pallal᷊agunu manungku i yamiu nawal᷊ute wuassu manga rosanu! Arie mabbisara manungku Abraham udde iupungngu al᷊amonanu. Naunge: Wuassu manga watu indi lai Ruata wotongnge ma'ola'a papapulunni Abraham!

Wal᷊iungnga nasaddiate ipanuwangnga alu ma'oman sara ṛamunne. Al᷊awo'u alu apan tawe mabbua mapia sarun tuwanganna wuṛṛu iramme sulal᷊ummu putungnga.”

Udde nassul᷊ungngu apa apan uawoṛṛetta sulal᷊ummu wuke Nabi Yesaya: “Pia taumata u'al᷊iata su wadda'a, ‘Saddiaite lal᷊annu Mawu, rataṛṛa'e lal᷊anni Tou. Al᷊awo'u liobongnge sarun soopanna, al᷊awo'u wowone wuṛṛu wuidda iapaaratakka. Lal᷊anna apan uawengkolla sarun tul᷊iṛṛanna, wuṛṛu lal᷊anna apan ual᷊iobbo'a sarun iratakka. Manga taumata su ahewallu runia sarun ma'ellega Ruata manal᷊amatta taumata!’ ”