Popular Bible Verses from Naanearü ügüchiga 18

Паҳн кунед

¿Ẽ̱xna nangẽxma i ta̱xacü i Cori ya Tupanaaxü̃́ guxchaxü̃ nax naxüaxü̃? Rü nai ya taunecügu rü aixcüma tá nuxã cuxü̃tagu chanaxũane. Rü ngẽxguma i Chára rü tá marü ixíraxacü —ñanagürü.

Rü yemaca̱x ga Chára rü tama yáxna namaxã ixĩnü ga nax nacugüxü̃, yerü ñaxü̃gu irüxĩnü: —¿Ñuxãcü tá ichaxãxacüxü̃ erü choma rü chaute rü marü tayaexüchi? —ñaxü̃gu irüxĩnü ga ngĩãẽwa.

Erü nüma tá nixĩ i norü o̱xi i wüxi i nachixü̃ane i taxü̃ rü poraxü̃. Rü marü namaxã chanaxuegu nax nagagu tá nüxü̃ charüngü̃xẽẽxü̃ i guxü̃táma i nachixü̃anegü i ñoma i naanewa ngẽxmagüxü̃.

Rü nüma ga Abraáü̃ rü Cori ya Tupanaca̱x nixũ rü nüxna naca rü ñanagürü: —¿Cunada̱i̱xü̃ tá ta i ngẽma duü̃xü̃gü i mea maxẽxü̃ wüxigu namaxã i ngẽma chixexü̃ ügüxü̃? Rü ngẽxguma chi nangẽxmagu i 50 i duü̃xü̃gü i mea maxẽxü̃ nawa ya yima ĩane ¿rü chi cunadaiamaxü̃ rü taxũchima nüxü̃ cungechaü̃xü̃ i ngẽma ĩanecüã̱x nagagu i ngẽma 50 i duü̃xü̃gü i mea maxẽxü̃?

Rü yexguma ga Cori ya Tupana rü Abraáü̃xü̃ nangãxü̃ rü ñanagürü: —Ngẽxguma chi yima Chodómaarü ĩanewa nüxü̃ ichayangauxgu i 50 i duü̃xü̃gü i mea maxẽxü̃, rü ngẽmagagu taxũtáma chanapoxcue i ngẽma ĩanecüã̱x —ñanagürü.