Popular Bible Verses from MARKUS 2

Паҳн кунед

Sangga nangepe pompekutana etu, nangulimo Yesus ka ira, “Da'a tau to naroso korona paraluu rapakuli dokutoro, aga tau-tau to naju'ana. Patuju karataku e'i da'a ala mompokio tau nanoa rarana, tapi ala mompokio tau nasilaka.”

Tempo Yesus nanggita karoso pomparasaya ira etu, nangulimo I'a ka topunggu etu, “Anaku, silaka-silakamu niampungimo.”

Pade nanguli wo'umo Yesus ka ira, “Eo Mpenonto nipakatantu Alatala manggeni belo ka manusia. Manusia da'a nipajadi Alatala ala rapakasusa ada-ada Eo Mpenonto.

Ira da'a namala nompakamosu Yesus sabana tau-tau ri setu neliu nggadea. Jadi nalaumo ira nepone ri bunggu ata nu sapo etu, pade nibongga ira ata ri ntoto Yesus. Sangga natebukapa ata etu niulunjaka iramo topunggu etu ante ompa paturuna.

Tapi Aku mompopokita ka komi Aku, Ana nu Manusia nakuasa mombaampungi silaka manusia ri dunia e'i.” Pade nipakauna topunggu etu, “Pekanggore, onggotakamo ompa paturumu pade patinggulimo!”

Umba to neliu nggamuda rauli, ‘Silakamu niampungimo,’ atau manguli, ‘Pekanggore, onggotakamo ompa paturumu pade polumakomo?’ Natantu neliu nggamuda manguli, ‘Silakamu niampungimo.’

Nangepe etu nekanggoremo topunggu etu. Kaliu-liu i'a nangonggotaka ompa paturuna pade nesuwumo i'a nikita mata ira pura-pura. Nanggita etu nogumaa puramo tau ri setu, pade ira nombatoiya Alatala ante nanguli, “Da'apa sanggani nikitata kajadia ewa e'i!”