Popular Bible Verses from Matiɔ̌n 16

Паҳн кунед

È kě Jùsu dɛ̌a Ɔɔ mɔ̀ cheěn nyo je Ɔ je, “Bɛ̌ nu bo nyu bɔ̌ jlɛ̌ bɔ naǎ de, è bɔ poo ɔɔ chɛ̀ɛ fònfno kla kɛn ɔ mǐ ɔɔ sònwɛ jejeɛ̌ɛ pète bɛ̌ tu mǒ dǔ ɔ mǐǐ de na.

Ii tè Ě tmɛ̌ něè ne, nè nynɛ̌ moo Pitɛ̌ ɛ̈ sɛ̀nʼɛ nynɛ̌ Seɔ̌, mòà mò Ě mi numa ɔ miǎě Ně wǎn tàa do po. È na slè kpě slě wɔ̀ ɛ mǐ u wan duu chɛ̀.

Ii tè Nyesoaa win kwa konkɔn ɛɛ gbàanoǎ nì Ě miì nyema ɛ̈ di ɛɛ numa dɛ wùɛ mìǒo wun mɔ̀ sàba kělɔ kmɔ̌ɔ mɔ̀ nɛ̀ miǒ wun mɔ̀ sàeba klě jɔkɛn, è dɛ wùɛ sèǒ wun mɔ̀ sàba mu kělɔ kmɔ̌ɔ mɔ̀ nɛ̀ seǒ wun mɔ̀ sàeba mu klě jɔkɛn.”

È bɛ̌ nu nyu wùɛ ɔ̈ɔ̌ jlǎ bɔ̈ na Mǒo de ɛ̈ di ɛɛ numa ɔɔ̌ di ɔɔ fònfno mǎ, ɔ mi kmɔ̌ sie fònfno mǎma, kɛɛ nyuà ɔ̈ mi ɔɔ fònfno mǎma keǒ Ně tè mɔ̀, ɔ miǎ kmɔ̌ siee fònfno kɔnma.

Bɛ̌ nu nyu bɔ̌ kɔn kmɔ̌ wùɛà, kɛɛ bɔ̌ mǎ ɔɔ sùsuǒ neě ɔɔ mǒ, mɛ ɛ miǐ kɛǒ ɔ bo poba? È plě mɛ tùonyugbe wɔ̀le je bɔ sìnsiɛɛ neě kɛ ɔɔ sùsu mɔ̀?

È Jùsu gbàla u wan Ɔ je, “È aa chɛ̀à, mɔ a je Ě monoǒ kɛ?” È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

È kě Ɔ dɛ̌a ɔ je Ɔ je, “Saemɔ̌, Jònǎa jǔ, kɔ̀n ngmna, ɛ se kmɔ̌ ne tùonyugbe ɔ seè dɛà le jboo lo, kɛɛ Ně Gbeǐǒ neěe jɔkɛn Nɔ̀ jboo ɛɛ̀ le.