Popular Bible Verses from Mattheos 12

Паҳн кунед

Tuka wicoie waśte śni otoiyohi wicaśta eyapi kin hena on woyaco anpetu kin en ohdakapi ece e kta, he miye eciciyapi Nioie kin on niyaowotanpi kta, qa nakun nioie kin on niyacopi kta.

Wamduśka wicoicage, niśicapi hecen token taku waśte ehapi kta oyakihipi he; wicacante ojudan kin he eciyatanhan wicai kin ia ece.

Wicaśta waśte kin iye cante waśte ojudan kin eciyatanhan taku waśte hiyuya ece; qa nakun wicaśta śice cin iye cante śica ojudan kin etanhan taku śica hiyuya ece.

Heon etanhan heciciyapi; Woaḣtani owasin iapi śica ko wicaśta wicakicicajujupi kta; tuka Woniya Wakan aiapi kin he wicaśta wicakicicajujupi kte śni.

Can kin waśte kaga po, kinhan waskuyeca waśte kta; qa iś can kin śica kaga po, kinhan waskuyeca śice kta; can kin waskuyeca tawa kin on sdonyapi ece.