Оятҳои маъмули Инҷил аз Mateu 24

Паҳн кунед

Ne dia lamʼavufula akambu wa kolo, ngandji kʼantu efula kayola. Keli one latetemala edja ndu lʼekumelu, ayushimbamela.

Lukumu lʼololo lone la diulelu layusambishama lu kete tshe, uku omenyi le wedja tshe. Lʼokongo diku, ekumelu kayuya.

Nyu nyayuka akambu wa ata la kumu ya ata. Nyewoki, tanyukananaki, dieli la akambu aso dia ndja, keli ekumelu atayi.

Wudja ayolosha wudja ukina. Diulelu diayolosha diulelu dikina. Ndjala ka kasha la adidimu wa kete wayuyala lu dihuli la dihuli. Keli akambu aso tshe weli etatelu kʼasui.

Ulungu la kete wayushila, keli aui ami hawushila.

Ne dia antu efula wayuya lu lukumbu lami, wayuta untu lʼuntu ati: Dimi keli Kristu. Vo wayunganyia antu efula.

Ku vo wayunyukimo lu asui, wayunyudiaka. Nyu nyayuhetshama lu wedja tshe ne dia lukumbu lami. Ku antu efula wayuyala wodu, wayufungana, wayuhetshanya. Amvutshi efula wa kashi wayunela, wayunganyia antu efula.

Jesu akâkaluya diui ati: Nyewo, untu tanyunganyiaki.

Okone ndu nyu, dieli la nyu dia ndjalongosola, ne dia Onʼa untu ayuya lu unya wahanyalungamela.

Okone nyewo, ne dia nyu hanyeyi lushi layuya Khumenyu.

Keli nduku untu leya lushi lako kana unya ako, kuyanga andjelo wa lʼulungu, kuyanga Ona, paka Papa ndiame.

Ne dia wane wayudimbiya antu vati: Kristu mbesu, la amvutshi mbesu, wayutumba. Vo wayenya tulimbitelu la akambu wa mamba dia munganyia ndu esonami, naka vo wayeya ntsha.

Uku aki lu nshi ya Noa, mbayuyala eyelu ka Onʼa untu. Lu nshi yako, la ntundu ka elula atayi, antu wakalekaka, wakanokaka, wakatshukanaka, wakatshukamaka, edja ndu lushi lakoto Noa lu watu a luudu. Vo kumbeya, edja ndu lamʼakayi elula, akawakhumela tshe. Osoku mbayuyala eyelu ka Onʼa untu.