Popular Bible Verses from Mélékusu 6

Паҳн кунед

Kanɛ́ batɔ báaba bá mbaá lɔmɔ́ bú úlene anáa Yésusu a mbaá lɔmɔ́ bá mba lɛ́ gɛca, báaba bú úle bá dómba, báaba bá gɔnɔ nco gunde. Yésusu na behúúní bɛ́hɛ́ bá dɛ mbáá lɛ bá gɔnɔ bɛanana gɛcamɛna gá goŋaá bá lɛ́ ba go lukumene bá nyáanya. Gɔ́ɔ Yésusu a bó oyanamɔ́ a amɔ́: «Bɛɛnyɔ́ɔ, úlé nɔnɔ dɛ no ɛ́da naá hoóma háaha há lɔ́mɔ́ gɛyáŋɛ́, anáa batɔ bá lɔ́mɔ́ bá dɛ bɛ́ɛ́mbá hɔ́ɔ, no dúugide go moɔnɔ́ ba gɛcamɛna.»

Gɔ́ɔ Yésusu a bó oyanamɔ́ a amɔ́: «Mbúsí ya Asaŋa ɛ dɛ báá na ufíno naá gɛdɔŋɔ gɛ́hɛ́ gá mbíényée, akɛ́ naá boɛhɛ́ɛ, akɛ́ naá ncíbo yɛhɛ́ ya batɔ.»

Aŋa Yésusu a mbaá siisé naá gilué, gɛ́hɛ́ go ɛ́na bitúu bitúu bá batɔ. Mahana go mo gɔ́lɔ go busío bábɔ́, goakɛ́ bá mba lɛ́ aŋa bɛdómbáa bá kanɛ ombeŋíbéŋí.

Yésusu a lɛ́ kanɛ go bɛa pɛ́ ya go ŋa gɛsɛɔ akɛ́ gá gímmue naá tɛ́sɔnɔ yɛhɛ́ ya mbíényée, gó do dómbáa goana godálɛgana gá nɛnamá ná bɔgɔnɔ́gɔnɔ ɛmbɔ́gɔ sɔŋɛ, a bó éŋugenye. A mba lɛ́ a békúke mbɔ́dɔ yabɔ́ ya kanɛ go ágana odɛ́má yábɔ́ naá Asaŋa. Yésusu a mba lɛ́ ɛ ɛ́da ɛ ɛnda go bɛdɔŋɔ go bɛdɔŋɔ, a húunenye batɔ.

Gɔ́ɔ Yésusu a gɔ́lɔmɔ́ bɛlɛ́dɛ bá bɛ́táanɔ na moɔbɔ́ móandɛ́ mɔ́ɔmɔ, a báá búlúgíe oŋgíso go mmoɛná, go béhiigi Asaŋa. Gɛ́hɛ́ go gɛ́sa bɛlɛ́dɛ, i íŋenene behúúní, bɔ́ɔ bá abana mɔtɔ uŋkimée. A báá abáa tɔ́nɔ moɔbɔ́ má móandɛ́ go batɔ biimée. Batɔ biimée bá báá nyáányáa bá báá hóógío. Bá báá gɔ́lɔ́ bigísi bá bɛlɛ́dɛ bɛ́ɛbɛ bɛ́ mbaá síéné, bɛ́ mba lɛ́ bɛ́ hóogono ncada sɛ́ɔ́dɔ́ na ɛ́handɛ́, tɔ́nɔ na bigísi bá moɔbɔ́ bɛ́ɛbɛ bɛ́ mbaá síéné.