Popular Bible Verses from Lúkɑ́shi 6

Паҳн кунед

Pʉʉ nɑ́ŋ ńcẅɛ́lɛ́ pʉɔ, Sɛ́ ɡɛ ńcẅɛ́lɛ́ wʉ́ʉ. Pɛ́ ɡʉ ŋ́ɡɛ ńníꞋ yúu tsɛt pɑɑ-ŋu tɛ ɛ́ lúu pɛ́ tsʉ́Ꞌnɛ, ńdẅíkŋɛ tɛ mɛmbɑŋ tswɛnɛ sɛ́! Pʉʉ jí ŋɡɔ Sɛ́ ɡʉ ńtɑ́ɑ ńníꞋ pɑɑ yʉ́ʉ pɔ pɑ́Ꞌ pʉʉ zɛnɛ ńníꞋ yɛ́ pɛcɔ́ pʉɔ.»

Pʉʉ jí ŋɡɔ ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ; ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉ ńcẅɛt ntsu wɛ́, mbíꞋŋɡɔ ŋu cú pɔ nu yi ɛ́ tsɛt tʉ́m yɛ́.»

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

«Pʉʉ tsɑ́ɑ mɛjʉ́ŋ pʉɔ pɑ́Ꞌ tɑ̌ɑ wʉʉ sɛ́ ńtsɑ́ɑ mɛjʉ́ŋ pʉɔ tsʉʉ!»

«Kɔɔ pʉʉ nɑ́ŋ ńtɔ́ lɔ́Ꞌ-pʉɔ ḿbɔ́k Sɛ́ nɛtɔ́ yʉ́ʉ lɔ́Ꞌ! Kɔɔ pʉʉ nɑ́ŋ ŋ́kʉ́ʉnɛ pʉɔ ḿbɔ́k Sɛ́ nɛkʉ́ʉnɛ wʉ́ʉ! Pʉʉ nɑ́ŋ ńdikŋɛ mɛfɑɑnɛ-pʉɔ, sɛ́ likŋɛ mɛfɑɑnɛ mʉ́ʉ.

Lɑ́, n cú mbɔ̌ pʉʉ pinɛ pʉʉ sɛ́ ńzúꞋ sẅiŋɛ yɑ́ɑ ŋɡɔ, pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pʉɔ pinɛ pɔ́p pɑɑnɛ wʉ́ʉ. Pʉʉ tsɑ́ɑ pɔ nu sʉ́Ꞌnɛ nǔu tú pʉɔ pinɛ pɔ́p sɛ́ ńtsɑ́ɑ nu kɛpɔŋ nǔu pʉʉ! Pʉʉ púꞋ mbɔ́ mbɔ̌ Sɛ́ nǔu tú-pʉɔ pinɛ pɔ́p sɛ́ sẅiŋɛ kɛpɔŋ nǔu lík yʉ́ʉ!

Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yîyɑ́ nǔu pɛcɔ́ pʉɔ!

Ŋu lɑɑ ńtswɑ́ɑ pɔ́ nɛtúutɛ wu, ɔ shɔt yɛcɔ́ ɡúŋ, ŋ́ɡɑ́ ɑ mɛkŋɛ ńtswɑ́ɑ! Ŋu lɑɑ ŋ́ɡẅɛɛ wú ńcẅɛ́ɛ ndẅí-fɑ́k yu, ɔ mɛkŋɛ ɛ́sɔt yi tsɛtú, ŋ́ɡɑ́ mbɔ̌ wɛ́! Mbɑ wɔ̌ lɑ́ tɔ́ ńdɔ́ɔ yúu mbɔ̌ ɡu, ɔ ɡɑ́ mbɔ̌ wɛ́! Ŋu lɑɑ ńtɔ́ ḿbɛ́ɛ yúu yú ńdɔk ŋ́ɡʉ, ɔ pɑ́ɑ nɛkɑ́!

Yɛ́su pɛn ńcú ŋɡɔ: «Tʉ́ sʉ́Ꞌnɛ kɑ́ zɛ́m ntɑ́ɑ kɛpɔŋ pɔ́. Tʉ́ kɛpɔŋ pɛn ḿbɔɔ ntɑ́ɑ sʉ́Ꞌnɛ zɛ́m.

Pɛ́ jí yîyɑ́ tʉ́ pɔ nǔu mɛntɑ́ɑ mɛ́. Pɛ́ lɔ́ɔ ŋ́kɑ́p ndẅindẅi nǔu tʉ́ nyɛt pɔ́. Ndʉ́ŋndʉŋ pɑꞋ ɛ́ lɑɑ ḿbɔ́ pɛ́ pɔɔ kɑ́p nɛpi nǔu tʉ́ nɛŋɡɑ̌m pɔ́.