Popular Bible Verses from Maak 6

Паҳн кунед

Ndin sia akedooho uwak awo ededi enyʌñ enyọnyọñọ, ammọ ikinieghe ini se edia kpak ñkpọ, Yisọs amaabo ammọ ate, “Ndufo iñkeene miin nọ ika ndobo-ndobo itie ikibọ nduọkadudu.”

Ndin Yisọs amaabo ammọ ate, “Prọfed inanake ukpono ibọhọke ke abio amọ, ye ke atu mme ayakka amọ, ye ke ubon amọ.”

Ke ini Yisọs amaakedibeghe ke isọñ, anyʌñ akịt uwak atu awo, udʌk ammọ amaanam anye sia ammọ ekeba nte mme edọñ i-imiinieghe andikpeme. Ke ntoro, anye amaatọọñọ adikpeep ammọ uwak ñkpọ.

Anye ikikanna inam mme utịppeñkpọ do, ibọhọke adidot akpọ awo ifañ ubọk ke iwuod i-idem mmiikisọññọ ñnyʌñ ñkọk ammọ udọñọ. Idem amaakpa anye eti-eti ke unana mbuọdidem ammọ. Ndin Yisọs amaasaaña ke idʌñ ke idʌñ akpeep ikọ Abasi.

Yisọs amaakeben uyo ition ye iyak iba ado, anyʌñ amaabenne anyen ase hefịn, anọ Abasi ekọọm, anyʌñ abuuñ mme uyo ado, ndin anye amaayaak anọ mme mbed ate edeeme enọ mme atu awo ado. Anye amaanyʌñ abakka iyak iba ado anọ afịd ammọ. Afịd ammọ emaedia ñkpọ enyʌñ ekop uyʌkkọ, ndin mme mbed emaetañ mme mbeñe uyo ye iyak se ikisʌhọ a-akeyọhọke akpasa duob mme iba.