Popular Bible Verses from Римлянэнгэ 8

Паҳн кунед

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

И мэ миштэ́с джино́м, со ни мэрибэ́н, ни джиибэ́н, ни Янго́лы, ни англыпына, ни дова́, со исын какана́, ни дова́, со явэ́ла анги́л; ни вучипэ́н, ни хорипэ́н, нисо́ яви́р, со исын джидо́ пэ саро́ парно́ свэ́то, на могинэ́ла тэ тэрдёл машки́р амэ́ндэ и Дэвлэ́скири ла́ска дрэ Исусо́стэ Христосо́стэ, амарэ́ Растэ-Дэвлэ́стэ.

Адя́кэ-паць и Ду́хо (Фа́но) подрикирэ́ла амэн дрэ амаро́ бизорьякирибэн; амэ на джина́са, пал со и сыр трэй тэ мангаспэ Дэвлэ́скэ, нэ Ду́хо кокоро́ мангэ́ла Дэвлэ́с пал дова́, со амарэ́ лава́ исын на дрэ зор тэ пиридэл.

Со амэ тэды пхэна́са пэ дава́? Ко́ли Дэвэ́л исын пал амэ́ндэ, тэды кон исын проти амэ́ндэ?

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Пал-дова́ со лоча́кирэ-грэхо́скирэ Манушэ́скиро тырдыпэ́н лыджа́ла кэ мэрибэ́н, а Духоскиро тырдыпэ́н дэ́ла джиибэ́н и рама́нё (миро).

Нэ саро́ дава́ амэ пиризорьякираса Одолэскирэ зорья́са, Конэ́скэ адя́кэ древа́н амэ яця́м дро́га.

Палдава́ мэ думинава, со ададывэсатуно амаро́ пиридживибэн нисо́ на мол анги́л дая́ сла́ва, сави́ отчхакирэлапэ амэ́нгэ.

Кон тэрдёла машки́р амэ́ндэ и Христососкири ла́ска? Пиридживибэн, ци пхарипэ́н, ци традыпэн, ци нангипэ́н, ци дар, ци мэрибэ́н?

А Одова́, Кон пробинэла илэ, джинэ́ла, пал со Ду́хо (Фа́но) мангэ́ла, пал-дова́ со Ёв мангэлапэ пал свэнтонэндэ пир Дэвлэ́скири во́ля.

пал-дова́ со сарэ́, кон кэрэ́ла пир Дэвлэ́скиро Ду́хо (Фа́но), исын чачунэ́ Дэвлэ́скирэ Чхавэ́.

Пал-дова́ со, кон дживэ́ла пир лоча́киро тырдыпэ́н, одова́ и думинэ́ла пал лоч, а кон дживэ́ла пир Ду́хо (Фа́но), одова́ думинэ́ла и пал Ду́хо (Фа́но).

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Дэвлэ́скиро Ду́хо (Фа́но) допхэнэ́ла кхэтанэ́ амарэ́ духо́са пал дова́, со амэ сам Дэвлэ́скирэ чхавэ́. Нэ ко́ли амэ сам Лэ́скирэ чхавэ́, тэды амэ́ндэ исын паш дро мэкно́ миштыпэ́н Дэвлэ́скиро и паш дро Христосо́скиро мэкно́ миштыпэ́н, ко́ли амэ чачунэ́с Лэ́са мэнчынасапэ, соб (кай) кхэтанэ́ Лэ́са адя́кэ-паць тэ прославинаспэ.

Пал-дова́ со лочакирэ-грэхоскирэ-манушэ́скиро тырдыпэ́н исын проти Дэвлэ́стэ: ёнэ ж на кандэ́на Дэвлэ́скиро Зако́но, и ёнэ на могинэ́на тэ кандэ́н

Палдава́ кажно джидо́ создыибэн пэ пхув, барэ́ надеяса ужакирэ́ла, ке́ли Дэвлэ́скирэ чхавэ́ явэ́на хулая́ пир свэ́то

Палдава́ амэ джина́са, со саро́ дава́ джидо́ создыибэн кэ дава́ часо дэ́ла го́дла дрэ мэ́ньки, сы́рбы анги́л дова́, сыр чхаворо́ бияндёла.