Popular Bible Verses from Юдэ́нгэ 8

Паҳн кунед

Пал-дова́ со Мэ примангава лэ́нгэ дова́, со ёнэ сыс проти Зако́но, палдава́ Мэ ние́кхвар на пририпирава буты́р лэ́нгэ.”

Адава́ исын Завето, саво́ Мэ кэра́ва пэ далэ́ дывэса́ Израилёскирэ манушэ́нца, – ракирэ́ла Дэвэ́л. ‘Мэ пиридава Мирэ́ Зако́ны дрэ лэ́нгири годы́ и Мэ чхина́ва лэн пэ лэ́нгирэ илэ, и Мэ ява́ва лэ́нгиро Дэвэ́л, а ёнэ явэ́на Мирэ́ мануша́.

И нико́н на явэ́ла буты́р тэ сыклякирэ́л явирэ́с и пшал на явэ́ла тэ сыклякирэ́л пшалэ́с и тэ ракирэ́л лэ́скэ: “Уджин Дэвлэ́с”, пал-дова́ со сарэ́ мануша́ тыкнэндыр кэ барэ́, явэ́на тэ джинэ́н Ман.

Нэ Дэвэ́л бангякирэла Пэ́скирэ манушэ́н, ке́ли Ёв ракирэ́ла пир пророкостэ: “Ѓа́да, явэ́на дывэса́”, – ракирэ́ла Дэвэ́л, – “ке́ли Мэ кэра́ва Нэво́ Завето Израилёскирэ и Юда́скирэ манушэ́нца

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр