1
ᒪᑎᔪᐤ 7:7
ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ
ᓇᔅᑲᐱ
“ᓂᑐᑎᒪᒄ ᑕᓐ ᐊ ᐃᓯ ᓂᑐᐛᔨᑎᒪᒄ, ᐊᑯ ᒪᒃ ᒐ ᒥᔨᑯᐅᔭᒄ᙮ ᓇᓂᑐᐛᔨᑎᒧᒄ, ᐊᑯ ᒪᒃ ᒐ ᒥᔅᑭᒪᒄ᙮ ᑎᑥᐛᐃᒐᒄ, ᐊᑯ ᒪᒃ ᒐ ᔪᑕᓂᒪᑯᐅᔭᒄ᙮
Муқоиса
ᒪᑎᔪᐤ 7:7 омӯзед
2
ᒪᑎᔪᐤ 7:8
ᐛᔅ ᒥᓯᐛ ᑕᑐᐤ ᐊᐛᓐ ᑲ ᓂᑐᑎᒪᑦ ᒋᑭ ᒥᔭᑭᓄᐤ ᐊᓂᔭ ᑲ ᐃᓯ ᓂᑐᑎᒪᑦ᙮ ᐊᓐ ᒪᒃ ᑲ ᓇᓂᑐᐛᔨᑕᐧᒃ ᒋᑭ ᒥᔅᑭᒻ ᐊᓂᔭ ᒐᒂᔪᐤ ᓂᔭᓂᑐᐛᔨᑕᐧᒃ᙮ ᑭᔭ ᑕᑐᐤ ᐊᐛᓐ ᑲ ᑎᑥᐛᐃᒐᑦ ᒋᓴᒪᓂᑐᐛ ᒋᑭ ᔪᑕᓂᒪᑯᐤ ᔅᑐᐧᑭᓇ᙮
ᒪᑎᔪᐤ 7:8 омӯзед
3
ᒪᑎᔪᐤ 7:24
“ᒥᓯᐛ ᑕᑐᐤ ᐊᐛᓐ ᑲ ᐸᑕᐧᒃ ᓂᑦ ᐃᔨᒧᐅᓂᔪᐤ ᑲ ᐊᑎ ᐃᑐᑕᐧᒃ ᒪᒃ ᐊᓂᔭ ᑲ ᐃᔅᒋᔄᐅᒡ, ᒧᔭᒻ ᓇᐸᐤ ᑲ ᑭᒐᑕᐛᔨᑕᐧᒃ ᐊᓐᑕ ᐊ ᐸᐸᒋᐱᔅᑲᔨᒡ ᑲ ᐎᔨᑲᐳᐅᑕᑦ ᒥᒋᐛᐱᔪᐤ ᐃᑕᔨᑕᑯᓱᐤ᙮”
ᒪᑎᔪᐤ 7:24 омӯзед
4
ᒪᑎᔪᐤ 7:12
ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”
ᒪᑎᔪᐤ 7:12 омӯзед
5
ᒪᑎᔪᐤ 7:14
ᐛᔅ ᓴᑯᐛᐤ ᐃᔎᑕᒻ, ᑭᔭ ᐊᔨᒥᓐ ᒪᒃ ᐊ ᐱᒧᑕᓄᐅᒡ ᐊᓐ ᒪᔅᑭᓄᐤ ᑲᒋᒡ ᐱᒪᑎᓯᐅᓂᒡ ᐊ ᐃᑎᒧᒡ᙮ ᓇᒪ ᒪᒃ ᒥᒐᑦ ᐊᐛᓐ ᒥᔅᑭᒻ ᐊᓂᔭᔪᐤ ᒪᔅᑭᓇᔪᐤ᙮”
ᒪᑎᔪᐤ 7:14 омӯзед
6
ᒪᑎᔪᐤ 7:13
“ᐱᒐᒄ ᑲ ᓴᑯᐛᒡ ᐃᔎᑕᒻ, ᐛᔅ ᐃᔨᑭᔅᑲᐤ ᐃᔎᑕᒻ᙮ ᑭᔭ ᐛᑎᓐ ᒪᔅᑭᓄᐤ ᓂᓱᐅᓇᑎᓯᐅᓂᒡ ᐊ ᐃᑎᒧᒡ᙮ ᒥᒐᑐᐅᒡ ᒪᒃ ᐊᐛᓐᒋ ᐸᒧᑕᒡ ᐊᓂᔭᔪᐤ ᒪᔅᑭᓇᔪᐤ᙮
ᒪᑎᔪᐤ 7:13 омӯзед
7
ᒪᑎᔪᐤ 7:11
ᐊᑎ ᐊ ᐃᔅᐱᔅ ᒪᔭᑎᓯᔭᒄ ᐊᔪᐛᒡ ᒋ ᒋᔅᒐᔨᑕᓇᐛᐤ ᒐᒋ ᒥᔭᑯᒡ ᒋᑦ ᐊᐛᓯᒧᐛᐅᒡ ᒥᔪ ᒐᒂᔪᐤ᙮ ᐊᑐᐎᔅ ᒪᒃ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᐅᔅᑕ ᒋᑭ ᒥᔪ ᒥᔭᐤ ᐊᓂᔭ ᐊᐛᔪᐛ ᑕᓐ ᐊ ᐃᓯ ᓂᑐᐛᔨᑎᒪᑯᑦ᙮
ᒪᑎᔪᐤ 7:11 омӯзед
8
ᒪᑎᔪᐤ 7:1-2
“ᐊᑲᐎᔾ ᑎᐸᔅᑯᓂᒐᒄ, ᑭᔭ ᓇᒪ ᒋᑭ ᐅᒋ ᑎᐸᔅᑯᓂᑯᓇᐛᐤ᙮ ᐛᔅ ᑕᓐ ᒥᒄ ᒐ ᐃᓯ ᑭᓄᐛᐸᑎᒧᐛᒂ ᑕᓐ ᐊ ᐃᓯ ᑎᐸᔅᑯᓇᒄ ᐊᐛᓐ ᐊᐅᑯᓐ ᒧᔭᒻ ᒐ ᐃᓯ ᑭᓄᐛᐸᑕᐧᒃ ᑭᔭ ᐎᔾ ᒋᓴᒪᓂᑐᐤ ᑎᐸᔅᑯᓂᑕᒂ, ᑭᔭ ᒧᔭᒻ ᐊᔅᐱᔅ ᓂᓱᐅᓇᒋᒪᐧᑯᒡ ᑯᑎᑭᒡ ᐊᐅᑯᓐ ᑭᔭ ᐎᔾ ᒐ ᐃᔅᐱᔅ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮”
ᒪᑎᔪᐤ 7:1-2 омӯзед
9
ᒪᑎᔪᐤ 7:26
“ᐊᑯ ᑕᑐᐤ ᐊᐛᓐ ᑲ ᐸᑕᐧᒃ ᑕᓐ ᐊᓂᔭᔪᐤ ᑲ ᐃᔅᒋᔄᐅᒡ ᐊᑲ ᒪᒃ ᐃᑐᑕᐧᒃ ᒧᔭᒻ ᐊᐛᓐ ᐊᑲ ᓂᔍᔨᑕᐧᒃ ᐊᓐᑕ ᐃᔭᑲᒡ ᑲ ᐎᔨᑲᐳᐅᑕᑦ ᐎᒡ ᐊᐅᑯᓐ ᐊ ᐃᓯᓇᑯᓯᑦ᙮”
ᒪᑎᔪᐤ 7:26 омӯзед
10
ᒪᑎᔪᐤ 7:3-4
“ᒐᒂᓐ ᐛᒋ ᓇᔅᒡ ᑭᓄᐛᐸᑎᒧᑦ ᒋᐧᑲᓂᔅ ᐊ ᐊᐱᓴᓯᔨᒡ ᐅᐱᓯᓄᐅᓐ ᐊᑲ ᒪᒃ ᒋᔾ ᐊᐱᑕᔨᑎᒥᓐ ᐊ ᒥᒐᔎᒡ ᒥᔅᑎᒄ ᑲ ᐱᓯᓂᔨᓐ ? ᑕᓐᑕ ᒐᒋ ᐅᒋ ᐃᑎᑦ ᒋᐧᑲᓂᔅ, ‘ᐊᑯᔅ ᓂᑭ ᐎᐎᐱᑕᓐ ᒋᐱᓯᓄᐅᓐ,’ ᒋᔾ ᒪᒃ ᐊ ᒥᒐᔎᒡ ᒥᔅᑎᒄ ᑎᑯᓐ ᑎᐱᔨᐛ ᒋᔅᒋᓯᑯᒡ ?
ᒪᑎᔪᐤ 7:3-4 омӯзед
11
ᒪᑎᔪᐤ 7:15-16
“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮” “ᐊᓂᔭ ᐊ ᐃᑕᑎᓯᒡ ᐊᑯᑕ ᒐ ᐅᒋ ᒋᔅᒐᔨᒪᑯᒡ᙮ ᒺᒡ ᒥᓂᓴ ᓇᒪᐎᔾ ᒋ ᓂᑕᐅᒋᓇ ᐅᑐᔅᐱᔭᑎᑯᒡ, ᑭᔭ ᐃᔭᑎᒄ ᓇᒪᐎᔾ ᒋ ᓂᑕᐅᒋᑕᐤ ᒥᓂᓴ᙮
ᒪᑎᔪᐤ 7:15-16 омӯзед
12
ᒪᑎᔪᐤ 7:17
ᐛᔅ ᐊ ᒥᔪ ᓂᑕᐅᒋᑦ ᒥᔅᑎᒄ ᐊ ᒥᔪᓯᒡ ᐛᐱᒥᓂᒡ ᒋᑭ ᓂᑕᐅᒍᐅᒡ ᐊᓐᑕ ᒥᔅᑎᑯᒡ ᑭᔭ ᐊᑲ ᒥᔪ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ᓂᑕᐅᒍᐅᒡ ᐊ ᒥᔪᓯᒡ ᐛᐱᒥᓂᒡ ᐊᓐᑕ ᒥᔅᑎᑯᒡ᙮
ᒪᑎᔪᐤ 7:17 омӯзед
13
ᒪᑎᔪᐤ 7:18
ᐊ ᒥᔪ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ᓂᑕᐅᒋᑕᐤ ᒥᒋᒥᓇ ᑭᔭ ᐊᑲ ᒥᔪ ᓂᑕᐅᒋᑦ ᒥᔅᑎᒄ ᓇᒪ ᒋᑭ ᒋ ᓂᑕᐅᒋᑕᐤ ᒥᔪᒥᓇ᙮
ᒪᑎᔪᐤ 7:18 омӯзед
14
ᒪᑎᔪᐤ 7:19
ᐊᓐ ᒪᒃ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᐊᑯ ᒐ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮
ᒪᑎᔪᐤ 7:19 омӯзед
Асосӣ
Китоби Муқаддас
Нақшаҳо
Видео