Оятҳои маъмули Инҷил аз Romanos 4

Loqꞌ yeꞌt kaꞌtziiun u Abrahaam tiꞌ u kam talaꞌtziꞌi u Tioxh te; pek aal maas tiqꞌo iyakꞌil tu vikꞌujeꞌ ikꞌuꞌl tiꞌ u Tioxh. Utz toksa iqꞌii Tioxh. Tan tiira nichinima aas mam Tioxh u Tioxh utz, siꞌan qꞌu kam qꞌuꞌl maꞌtich taltaꞌ aas siꞌaneꞌ.

Tan tiꞌ niyolonku u yol vaꞌl tzꞌibꞌamalka ech tzaꞌ: —Vetvoksalaxhs itat sibꞌal tenam.— Chia. Ech, aꞌ u Tioxh vaꞌl kꞌujeꞌ ikꞌul u Abrahaam tiꞌ tziꞌ. U Tioxh vaꞌl niqꞌaavtitzꞌpixsa kamnaj. Utz atil tek qꞌu kam siatz, kꞌuxh yeꞌsaj qiltaꞌ.

Ayaꞌ vaꞌl tiꞌ koꞌn qꞌu kuqelbꞌalil yatzꞌaxka. Pek qꞌaav itzꞌpixsal tiꞌ qaqꞌax bꞌens bꞌaꞌn vatz u Tioxh.

Utz inima u Abrahaam kam vaꞌl tal u Tioxh te, kꞌuxh tiira yeꞌkanich remeero tiloneꞌ. Ech tiꞌ koꞌn vinimataꞌ bꞌens ikꞌuy imam sibꞌal tenam kam chit echaꞌ vaꞌl tal u Tioxh te: —Echil qꞌul atuꞌxh axalam savaqꞌeꞌ tzaꞌ.— Texh teꞌleꞌ.

Echixeꞌat sakuylu u aanima tiꞌ vikꞌujeꞌ ikꞌuꞌl tiꞌ u Tioxh. Ech nimnaꞌl aas oya. Utz txaklel viyol u Tioxh vaꞌl tal tu u Abrahaam tiꞌ qꞌul ituꞌxh ixalam. Ayaꞌ qꞌuꞌl tzokꞌel el bꞌiil ichiꞌl echaꞌ vaꞌl nital u oꞌtla mantaar tuchꞌ qꞌuꞌl ech ikꞌujeꞌ ikꞌuꞌl tiꞌ Tioxh vaꞌl iꞌan u Abrahaam. Tan aatz u Abrahaam, echaꞌ kutat tatin tiꞌ vikꞌujeꞌ kukꞌuꞌl.

Tal ech tzaꞌ: —Chiꞌbꞌebꞌal tetz qꞌu aanima qꞌuꞌl nikuylu qꞌul ipaav tu u Tioxh. Utz nipaasal bꞌen qꞌul ipaav ech tziꞌ. Chiꞌbꞌebꞌal tetz u aanima vaꞌl yitꞌ aa paav tereꞌn koj vatz u Tioxh.— Chia.

Tan nital u Yolbꞌal Tioxh ech tzaꞌ: —Kꞌujeꞌ koꞌn ikꞌuꞌl u Abrahaam tiꞌ u Tioxh. Echixeꞌat aqꞌax bꞌens bꞌaꞌn tu u Tioxh.— Chia.